महाबळेश्वर : महाबळेश्वर पर्यटनस्थळी गेल्या काही दिवसांपासून कोसळणाऱ्या मुसळधार पावसाने बुधवारी सकाळी दर्दी कोसळण्याच्या घटना समोर येत आहेत. आंबेनळी घाटात पोलादपूर नजीक ५ ठिकाणी दरड कोसळल्याने वाहतूक अद्याप ठप्प आहे. त्यामुळे घाटातून प्रवास न करण्याचे प्रशासनाने आवाहन केले आहे.
दरम्यान, महाबळेश्वर-पांचगणी मुख्य रस्त्यावर बगीचा कॉर्नर नजीक पाणी आल्याने वाहतूक मंदावली होती. या रस्त्यावरून मार्ग काढताना वाहनचालकांचे चांगलेच हाल झाले. तर लिंगमळा परिसरातदेखील मोठ्या प्रमाणात पाणी साचले आहे.
मंगळवारी रात्री आंबेनळी घाटात पोलादपूर नजीक ठिकठिकाणी दरड कोसळल्याने वाहतूक अद्याप ठप्प आहे. महाबळेश्वर शहर व परिसरात जुलै महिन्याच्या प्रारंभीपासून शहर व परिसराला पावसाने अक्षरश: झोडपून काढले. आजही जोरदार वाऱ्यासह पावसाची धुवाधार धुवाधार बॅटिंग सुरूच आहे.
२४ तासात २७५.६ मि मी पावसाची नोंद जवळ पास ११ इंच पाऊसाची नोंद करण्यात आली महाबळेश्वर तालुक्यात सुरु असलेल्या मुसळधार पावसाने जुलै महिन्याच्या पहिल्याच आठवड्यात महाबळेश्वर-पांचगणीकरांची तहान भागविणारा वेण्णा तलाव तुडुंब भरला. दरम्यान संततधार पावसाने बुधवारी वेण्णालेक महाबळेश्वर मुख्य रस्त्यावर ठिकठिकणी जलमय रस्त्यातून वाट काढताना वाहनचालकांना मोठा त्रास सहन करावा लागला.