राजगुरूनगर – खेड तालुका आम आदमी पक्षाच्या वतीने शासनाच्या कंत्राटीभरती धोरणाचा परिपत्रक फाडून केला जाहीर निषेध करीत परिपत्रक मागे घेण्याची मागणी केली आहे.
शासनाने कंत्राटी पद्धतीने भरती संदर्भात 6 सप्टेंबर2023 रोजी शासकीय अध्यादेश (जी.आर.) काढून जाहीर केले आहे. त्यानुसार विविध पदावर शासकीय, स्थानिक स्वराज्य संस्था, महामंडळे, सार्वजनिक क्षेत्रातील उपक्रम, इत्यादींना कंत्राटी पद्धतीने भरती करणे बंधनकारक करण्यात आले आहे.
कंत्राटी पद्धतीने भरती झाल्यास 60 टक्के रक्कम प्रत्यक्ष कर्मचाऱ्यांच्या हातात आणि 15 टक्के रक्कम ही नियुक्त करणाऱ्या कंत्राटदारांना मिळणार त्यामुळे वंचित गुणवंत विद्यार्थ्यांवर अन्याय होणार आहे. ही पद्धती व वशिल्याचे व भ्रष्टाचाराचे कुरण ठरणार आहे. त्यामुळे या धोरणा विरोधात सर्वांनी आवाज उठवण्याचे आवाहन आपच्या वतीने करण्यात आले आहे.
खेड तालुका आम आदमी पक्षाच्या वतीने चाकण येथे नुकताच शासनाच्या कंत्राटी भरती धोरणाला विरोध करण्यासाठी शासनाचे कंत्राटी पद्धतीने भरती परिपत्रक फाडून त्याचा निषेध करण्यात आला. यावेळी आपचे महाराष्ट्र राज्य, प्रदेश युवा अध्यक्ष मयूर दौंडकर, संदीप पाटील, संदीप शिंदे, भरत पवळे, दत्ताभाऊ टाकळकर, विठ्ठल परदेशी, नितीन सैंद,
पंढरीनाथ जरे, राहुल पवार, दत्ताभाऊ ढेरंगे, संतोष घनवट, सचिन गायकवाड, माऊली राऊत, सागर लवटे, बाळासाहेब लोखंडे, सुधीर डावरे, विशाल आवटे, आकाश दौंडकर, राहुल मनोहर, गोविंद कांबळे, स्वप्निल दौंडकर यांच्यासह नागरिक आंदोलनात सहभागी झाले होते.
या दिल्या घोषणा
कंत्राटी नोकर भरतीचे परिपत्रक मागे घ्या, रद्द करा रद्द करा, कंत्राटी नोकर भरतीचे परिपत्रक रद्द करा, जागे व्हा जागे व्हा, आता तरी जागे व्हा, इन्कलाब जिंदाबाद, नही चलेगी नही चलेगी, दादागिरी नही चलेगी.