ICC ODI World Cup 2023 Netherlands vs Afghanistan : विश्वचषकाच्या 34व्या सामन्यात अफगाणिस्तानने नेदरलँड्सचा 7 विकेट्सने पराभव केला आहे. लखनौ येथील भारतरत्न श्री अटल बिहारी वाजपेयी एकना स्टेडियमवर नाणेफेक जिंकून नेदरलँड्सने प्रथम फलंदाजी करत 179 धावा केल्या. अफगाणिस्तानने तीन गडी गमावून 181 धावा केल्या आणि सामना जिंकला. या विजयासह अफगाणिस्तानने पॉइंट टेबलमध्ये पाकिस्तानला मागे टाकले आहे.
विश्वचषकातील चौथा विजय….
अफगाणिस्तानने नेदरलँड्सचा सात गडी राखून पराभव केला आहे. अफगाणिस्तानचा या विश्वचषकातील हा चौथा विजय आहे आणि नेदरलँड्सचा संघ पॉइंट टेबलमध्ये पाकिस्तानपेक्षा वर पाचव्या स्थानावर पोहोचला आहे. या सामन्यात प्रथम फलंदाजी करताना नेदरलँड्सने अत्यंत खराब कामगिरी केली. या संघाचे पहिल्या पाचपैकी चार फलंदाज धावबाद झाले. या कारणामुळे संघ 46.3 षटकात 179 धावांवर गडगडला. प्रत्युत्तरात अफगाणिस्तानने 31.3 षटकांत तीन गडी गमावून 181 धावा केल्या आणि सामना जिंकला.
नेदरलँड्सकडून फलंदाजीत सायब्रँडने सर्वाधिक 58 धावा केल्या. ओडवाडने 42 आणि ओकरमनने 29 धावा केल्या. या दोघांशिवाय केवळ व्हॅन डर मर्वे (11 धावा) आणि आर्यन दत्त (10 धावा) यांना दुहेरी आकडा गाठता आला. नेदरलँड्सचे सहा फलंदाज दुहेरी आकडा गाठू शकले नाहीत. कर्णधार एडवर्डस आपले खातेही उघडू शकला नाही. नेदरलँड्सचे चार फलंदाज धावबाद झाले. अफगाणिस्तान संघाकडून गोलंदाजीत मोहम्मद नबीने तीन आणि नूर अहमदने दोन गडी बाद केले. मुजीबला एक विकेट मिळाली.
#CWC23 #NEDvAFG : एंजेलब्रेक्टची अर्धशतकी खेळी; नेदरलँड्सचे अफगाणिस्तानसमोर माफक लक्ष्य…
अफगाणिस्तानकडून कर्णधार हशमतुल्लाने सर्वाधिक नाबाद 56 धावा केल्या. रहमत शाहने 52 धावांची खेळी केली. अजमतुल्ला 31 धावा करून नाबाद राहिला. नेदरलँडसाठी लोगान व्हॅन बीक, व्हॅन डर मर्वे आणि साकिब झुल्फिकार यांनी प्रत्येकी एक विकेट घेतली.
