जागतिक अल्झायमर दिवस दरवर्षी 21 सप्टेंबर रोजी साजरा केला जातो. अल्झायमर रोग हा झपाट्याने प्रगती करणाऱ्या गंभीर न्यूरोलॉजिकल विकारांपैकी एक आहे. ज्याचा प्रभाव 60 वर्षांपेक्षा जास्त वयाच्या लोकांमध्ये अधिक दिसून येतो. शास्त्रज्ञांनाही अल्झायमरची कारणे नीट समजू शकलेली नाहीत. अल्झायमर हा अनेक प्रकारे तज्ञांसाठी एक कोडे आहे. त्यामुळे त्यावर विशिष्ट उपचार नाही.
लोक अल्झायमरला केवळ स्मरणशक्ती कमी मानतात. तथापि, अल्झायमरमध्ये ही फक्त एक स्थिती आहे. अल्झायमरच्या आजारापासून बचाव करण्यासाठी योगा आपल्या दैनंदिन दिनचर्येत समाविष्ट करायला हवा. अनेक योगासने मानसिक आरोग्य सुधारण्यास तसेच अल्झायमर रोगाचे घटक कमी करण्यास मदत करतात. अल्झायमरपासून बचाव करण्यासाठी नियमितपणे केलेल्या योगासनांविषयी जाणून घेऊया.
वज्रासन योग
अल्झायमरच्या बाबतीत वज्रासन योगाची सवय लावा. वज्रासनाचा अभ्यास केल्याने मन शांत आणि स्थिर होते. पचनाची आम्लता कमी करण्यासाठी आणि गॅस तयार होण्यास देखील हे फायदेशीर आहे. या आसनाच्या नियमित सरावाने अल्झायमर-डिमेंशियाचा धोकाही बऱ्याच अंशी कमी होऊ शकतो.
पश्‍चिमोत्तनासन योग
पश्‍चिमोत्तानासन योगाचा सराव मानसिक आणि शारीरिक आरोग्य सुधारण्यासाठी फायदेशीर आहे. पश्‍चिमोत्तनासन अल्झायमर रोगाचे घटक कमी करण्यास मदत करते. उच्च रक्तदाब आणि मधुमेहाच्या रुग्णांसाठीही हे फायदेशीर आहे. डोक्‍यातील रक्‍ताभिसरण, निद्रानाश, नैराश्‍य आणि चिंता कमी करण्यासाठी पश्‍चिमोत्तनासनाचा सरावदेखील केला जाऊ शकतो.
शिर्षासन योग
रक्‍ताभिसरण वाढवण्यासाठी शीर्षासनाचा सराव प्रभावी मानला जातो. या आसनाचा सराव करून हे आसन शरीराची एकूण कार्यक्षमता सुधारण्यासाठी फायदेशीर ठरते. मानसिक आरोग्य उत्तम ठेवण्यासाठी या योगासनांची सवय लावा.
