Sudhir Mungantiwar : भाजपा आमदार गोपीचंद पडळकर यांनी राष्ट्रावादी काँग्रेसचे अध्यक्ष शरद पवार यांच्यावर बोचरी टीका केली होती. यावेळी त्यांनी अजित पवारांचा उल्लेख ‘लबाड लांडग्याचं लबाड पिल्लू’ तर सुप्रिया सुळेंचा उल्लेख ‘लबाड लांडग्याची लेक’ असा केला होता. यानंतर राज्यातील राजकारणात एकच गोंधळ निर्माण झाला होता. दरम्यान, पडळकरांनी केलेल्या या टीकेवर भाजपचे नेते सुधीर मुनगंटीवार (Sudhir Mungantiwar) यांनी अजब प्रतिक्रिया दिली आहे.
भाजपा नेते व मंत्री सुधीर मुनगंटीवार (Sudhir Mungantiwar) यांनी गोपीचंद पडळकर यांच्याविषयी बोलताना अजब प्रतिक्रिया दिली आहे. त्यांनी गोपीचंद पडळकरांनी केलेल्या टीकेवर थेट प्रतिक्रिया देणं तर टाळलं पण राज्यातील लुप्त होणाऱ्या लांडग्यांच्या प्रजातीच्या संरक्षणासाठी सरकारकडून राबवल्या जाणाऱ्या प्रकल्पाची माहिती मुनगंटीवारांनी (Sudhir Mungantiwar)दिली.
महाराष्ट्रातला लांडगा कोण आहे? हे सर्वांना माहीत आहे, या पडळकरांच्या टीकेबाबत विचारलं असता सुधीर मुनगंटीवार म्हणाले, “मला या टीकेवर बोलायचं नाही. पण आताच आमची वन्यजीव मंडळाची बैठक झाली. लांडग्याचं अस्तित्व धोक्यात आल्याने आम्ही लांडग्यांच्या संरक्षणासाठी प्रकल्प राबवत आहोत.ते त्यांनी (Sudhir Mungantiwar)म्हटले
पुढे बोलताना, “लांडग्यांचं सरक्षण झालं पाहिजे. वनविभागात असणाऱ्या लांडग्यांच्या ज्या प्रजाती लुप्त होत आहेत, त्याबद्दल आताच आम्ही एक ठराव केला. ‘बॉम्बे हिस्ट्री नॅचरल सोसायटी’बरोबर आम्ही ‘एमओयू’ करणार आहोत. या लांडग्यांचं अस्तित्व सुरक्षित राहावं. त्यांचं संवर्धन व्हावं. या अनुषंगाने आम्ही आताच निर्णय केला आहे.” असे म्हणत त्यांनी (Sudhir Mungantiwar)पडळकर आणि पवार यांच्यातील वादाला बगल दिली.
