12th Fail : दिग्दर्शक विधू विनोद चोप्रा यांचा 12th Fail चित्रपटाला प्रेक्षकांचा भरभरून प्रतिसाद मिळत आहे. अनेक दिग्गज कलाकरांनी या चित्रपटाचे कौतुक केले आहे. यात अभिनेता विक्रांत मेसी मुख्य भूमिकेत आहे. त्याच्या अभिनयाने सर्वांचीच मनं जिंकली आहेत. एकीकडे या चित्रपटाचे सर्वत्र कौतुक केले जात असताना साऊथ सुपरस्टार अल्लू अर्जुनचा भाऊ आणि अभिनेता अल्लू सिरिश यानेही या चित्रपटावर प्रतिक्रिया दिली आहे.
अभिनेता अल्लू सिरिशने X (ट्विटर) वर एक पोस्ट शेअर केली आहे. ज्यात त्याने लिहिले, “थोडा उशीर झाला, पण आताच 12th Fail चित्रपट पाहिला. चित्रपटाचा शेवट पाहून माझे डोळे पाणावले. चित्रपटात विक्रांत मेसी, मेधा शंकर आणि इतर सर्व कलाकारांनी आपापली पात्रे जगली आहेत. तुम्हा सर्वांना सलाम. मास्टर विधू विनोद चोप्राजी यांनी हा चित्रपट बनवण्याचा निर्णय घेतल्याने मला खूप आनंद होत आहे.”
I am late, but just finished watching “12th Fail”. My eyes were moist towards the end. The leads Vikrat Massey ji, Medha Shankar and all the supporting cast just lived their roles. Hats off to all of them.
I am glad the master story teller Vidhu Vinod Chopra ji chose to make…
— Allu Sirish (@AlluSirish) February 10, 2024
पुढे त्याने लिहिले की, “हा चित्रपट पाहिल्यानंतर वडिलांनी सांगितलेली गोष्टी आठवली. जेव्हा मी कॉलेजमध्ये पत्रकारिता शिकत होतो, माझे वडील मला सांगायचे की, नेते आपल्यावर राज्य करतात, पण देशाचे आणि यंत्रणेचे दैनंदिन काम हे नोकरशहाच करतात. मला त्यांची ही कथा पडद्यावर पाहून खुप आनंद झाला आहे.” दिग्दर्शकासह चित्रपटातील कलाकरांचे कौतुक करत अल्लू सिरिश आनंद व्यक्त केला आहे.
मात्र, 12वी फेलमध्ये आयपीएस अधिकारी मनोज कुमार शर्मा यांच्या जीवनाची आणि संघर्षाची गोष्ट दाखवण्यात आली आहे. त्यांची भूमिका विक्रांत मेसीने साकारली आहे. या चित्रपटाने बॉक्स ऑफिसवर चांगली कमाई केली आहे. रिपोर्ट्सनुसार, सुमारे 20 कोटी रुपयांच्या बजेटमध्ये बनलेल्या या चित्रपटाने जगभरात बॉक्स ऑफिसवर 70.05 कोटी रुपयांची कमाई केली आहे. बॉक्स ऑफिसवर धमाल केल्यानंतर हा चित्रपट आता ओटीटीवरही उपलब्ध आहे. हे चित्रपट OTT प्लॅटफॉर्म Disney Plus Hotstar वर २९ डिसेंबरपासून प्रसारित झाला आहे.
