पाबळ (प्रतिनिधी) देशभर कोरोना धुमाकूळ घालत आहे तर प्रशासन रात्रंदिवस कोरोनाला हद्दपार करण्यासाठी धावपळ करीत आहे, अशा परिस्थितीत नागरिकांकडून मोठ्या सहकार्याची अपेक्षा करत असताना,वेगळे अनुभव येत आहेत.
मात्र पाबळ सारख्या ग्रामीण भागात याबाबत मोठी जागृती आहे,तब्बल 35 दिवसापासून सामाजीक अंतर पाळणे,मास्क लावणे याबरोबर गर्दीचा वावर टाळणे या उपाय योजना होत असताना,पाबळ येथील मुस्लिम बांधवांनी या जाणिवेत मोठा सहभाग नोंदवताना,35 दिवसापासून मशिदीतील सार्वजनिक कार्यक्रम बंद तर ठेवलेही आहेत.
दरम्यान,पवित्र रमजान महिन्यातही दररोजची नमाज आदी धार्मिक कार्यक्रम घरी करत आहेत.तर पाबळ येथील जामा मशिदीचे मौलवी मशिदीत दररोजचे धार्मिक कार्यक्रम स्वतः व एकटेच पार पाडत आहेत.