पुणे – महिलांच्या टी-20 चॅलेंज स्पर्धेतील अंतिम सामन्यात सुपरनोव्हाजच्या डिएंड्रा डॉटिनने केलेल्या अष्टपैलू खेळीच्या मदतीने वेलॉसिटीवर 4 धावांनी मात करत विजेतेपद पटकाविले. 166 धावांचा पाठलाग करताना वेलॉसिटीला 20 षटकांत 8 बाद 161 धावा करता आल्या.
Winners Are Grinners! ☺️ ☺️@ImHarmanpreet, Captain of Supernovas, receives the #My11CircleWT20C Trophy from the hands of Mr. @SGanguly99, President, BCCI & Mr. @JayShah, Honorary Secretary, BCCI. 👏 🏆 #SNOvVEL pic.twitter.com/ujGbXX4GzB
— IndianPremierLeague (@IPL) May 28, 2022
निर्धारित धावांचा पाठलाग करताना शेफाली वर्मा आणि यस्तिका भाटिया यांनी पहिल्या विकेटसाठी 29 धावांची भागीदारी केली. ही भागीदारी तुटल्यानंतर सुपरनोव्हाजची फलंदाजी ढेपाळल्याने त्यांची 5 बाद 64 अशी अवस्था झाली. दुसरीकडे लॉरा वोल्व्हहार्टने 65 धावांची नाबाद खेळी करत एकतर्फी लढा दिला. परंतु तिची ही खेळी व्यर्थ ठरली.
तत्पूर्वी, प्रथम फलंदाजी करताना सुपरनोव्हाजच्या सलामीवीर प्रिया पुनिया आणि डिएंड्रा डॉटिनने 73 धावांची भागीदारी करत निर्णायक सुरुवात करून दिली. सिमरन बहादुरने पुनियाला बाद करत पहिले यश मिळवून दिले. पुनियाने 28 धावांची खेळी केली. त्यानंतर डॉटीनने कर्णधार हरमनप्रीतसह 36 चेंडूंत 58 धावांची भागीदारी केली.
डॉटिन 44 चेंडूंत 1 चौकार व 4 षटकारांसह 62 धावा केल्या. तर 29 चेंडूंत 1 चौकार व 3 षटकारांसह 43 धावा करुन हरमनप्रीत बाद झाली. यानंतर सोफी एकलस्टन (2), सुन ल्यूस (3) झटपट बाद झाल्याने सुपरनोव्हाजने 20 षटकांत 7 बाद 165 धावांपर्यत
मजल मारली.