मुंबई : – शिक्षक दिनाचे औचित्य साधून मुख्यमंत्री एकनाथ शिंदे सोमवारी (दि. 5 सप्टेंबर) राज्यातील शिक्षकांशी दूरदृश्य प्रणालीद्वारे थेट संवाद साधणार आहेत.
मुख्यमंत्री शिंदे वर्षा शासकीय निवासस्थानातून दुपारी 1 वाजेपासून दृकश्राव्य प्रणालीद्वारे राज्यातील विविध जिल्हाधिकारी कार्यालयांमध्ये उपस्थित राहणाऱ्या शिक्षकांशी संवाद साधणार आहेत. कोरोना संकटानंतर अलीकडेच शैक्षणिक वर्षाला नियमितपणे सुरुवात झाली आहे.
शिक्षकदिनाचे औचित्य साधून मुख्यमंत्री @mieknathshinde उद्या (दि. ५ सप्टेंबर) राज्यातील शिक्षकांशी थेट संवाद साधणार आहेत. वर्षा शासकीय निवासस्थानातून दुपारी १ वाजता दृकश्राव्य प्रणालीद्वारे विविध जिल्हाधिकारी कार्यालयांमध्ये उपस्थित शिक्षकांशी मुख्यमंत्री संवाद साधतील. pic.twitter.com/sDjb7rohuW
— MAHARASHTRA DGIPR (@MahaDGIPR) September 4, 2022
केंद्र सरकारने नव्या शैक्षणिक धोरणाचा अंगीकार करण्याचे जाहीर केले आहे. या अनुषंगाने राज्यातील शैक्षणिक क्षेत्रातील विविध मुद्दे आणि नवी दिशा यांचा या संवादादरम्यान ऊहापोह होणे अपेक्षित आहे. या संवादाचे मुख्यमंत्री सचिवालयाच्या समाज माध्यमांवरून थेट प्रसारण करण्यात येणार आहे.