वेलिंग्टन – यजमान न्यूझीलंड व वेस्ट इंडिज यांच्यातील दुसऱ्या कसोटी सामन्यात हेन्री निकोल्सचे तीन झेल सोडल्यामुळे संतापलेल्या शॅनन गब्रियलने डॅरेन ब्राव्होला भर मैदानावरच अपशब्दांची लाखोली वाहिली.
या सामन्यात निकोल्सच्या शतकाच्या जोरावर न्यूझीलंडने मोठी धावसंख्या उभारली व वेस्ट इंडिजसमोर पराभव टाळण्याचे आव्हान उभे केले. वेस्ट इंडिज संघाने न्यूझीलंडच्या डावात अतिशय गचाळ क्षेत्ररक्षण केले होते. शतकवीर निकोल्सचे तीन झेल सोडले गेले.
गचाळ क्षेत्ररक्षकामुळे वेगवान गोलंदाज गॅब्रियलचा तोल ढळला व त्याने ब्राव्होला उद्देशून भर मैदानावरच अपशब्द वापरले. ब्राव्होकडून झेल सुटल्यानंतर लगेच त्याच धावासंखेवर असताना निकोल्सला आणखी एक जिवनदान मिळाले. चेमार होल्डरकडूनही निकोल्सचा झेल सुटला होता.