Stock Market Opening : तीन दिवसाच्या सुट्टीनंतर आज देशांतर्गत शेअर बाजाराची जबरदस्त सुरुवात झाली असून, 1400 शेअर्स ओपनिंगच्या वाढीसह खुले झाले आहेत. निफ्टी आणि सेन्सेक्समध्ये सुरुवातीच्या वेळी जोरदार वाढ पाहायला मिळाली. बँक निफ्टीमध्ये मोठ्या गतीने व्यवहार सुरू झाले आहेत. देशाचा अर्थसंकल्पीय सप्ताह आजपासून सुरू झाला असून संसदेचे अर्थसंकल्पीय अधिवेशन ३१ जानेवारीपासून सुरू होणार असून १ फेब्रुवारी २०२४ रोजी देशाचा अर्थसंकल्प सादर केला जाणार आहे. याशिवाय आजपासून फेब्रुवारीची मालिकाही सुरू झाली असून बाजारपेठ नव्या उमेदीने नव्या मालिकांचे स्वागत करत आहे.
निफ्टी 21500 पार, सेन्सेक्सची 550 अंकांनी उसळी
निफ्टीने पुन्हा एकदा 21500 ची पातळी ओलांडली आहे. सकाळी 9.30 वाजता सेन्सेक्स 180.95 अंकांच्या किंवा 0.85 टक्क्यांच्या वाढीसह 21,533 च्या पातळीवर व्यवहार करत होता. सेन्सेक्स 552.80 अंकांच्या किंवा 0.78 टक्क्यांच्या वाढीसह 71,253 वर पोहोचला आहे.
निफ्टीचे चित्र कसे आहे?
निफ्टीच्या 50 समभागांपैकी 40 समभागांमध्ये वाढ आणि 10 समभाग घसरणीसह व्यवहार करत आहेत. निफ्टीच्या टॉप गेनर्समध्ये अदानी एंटरप्रायझेस 5.09 टक्के आणि ओएनजीसी 4.17 टक्क्यांनी वधारले आहेत. अदानी पोर्ट्स 3.74 टक्क्यांनी तर सन फार्मा 3.05 टक्क्यांनी वधारत आहे. एसबीआय लाइफ 2.44 टक्क्यांनी मजबूत दिसत आहे.
सेन्सेक्स शेअर्सची स्थिती
BSE सेन्सेक्सच्या 30 पैकी 25 समभागांमध्ये वाढ होत आहे आणि फक्त 5 समभाग असे आहेत जे घसरणीच्या श्रेणीत व्यवहार करत आहेत. वाढत्या समभागांमध्ये सन फार्मा 2.55 टक्क्यांनी वाढून अव्वल राहिला. एनटीपीसी 1.72 टक्के आणि पॉवर ग्रिडमध्ये 1.63 टक्के वाढ झाली आहे. कोटक महिंद्रा बँक 1.59 टक्क्यांनी तर ॲक्सिस बँक 1.52 टक्क्यांनी वधारत आहे.
बाजाराची सुरुवात कशी झाली?
BSE चा सेन्सेक्स 267.43 अंकांच्या किंवा 0.38 टक्क्यांच्या वाढीसह 70,968 च्या पातळीवर तर NSE चा निफ्टी 80.50 अंकांच्या किंवा 0.38 टक्क्यांच्या वाढीसह 21,433 च्या पातळीवर उघडला आहे.
प्री-ओपनिंगमध्ये बाजाराची हालचाल कशी होती?
आज बीएसई सेन्सेक्स 122.84 अंकांच्या किंवा 0.17 टक्क्यांच्या वाढीसह 70823 च्या स्तरावर गेला होता. प्री-ओपनिंगमध्ये, NSE चा निफ्टी 45.90 अंकांनी किंवा 0.21 टक्क्यांनी वाढून 21398 च्या पातळीवर होता.