शेवगाव – भारतीय जनता युवा मोर्चा शेवगाव-पाथर्डी तालुका व नमो चषक २०२४ भव्य क्रीडा व सांस्कृतिक महोत्सवांतर्गत मंगळवारी आयोजित शेवगाव ते अमरापूर या दहा किलोमीटर अंतराच्या सायकलिंग स्पर्धेत आमदार मोनिका राजळे यांनी ट्रॅकसूट घालून स्पर्धेत सहभागी होऊन स्पर्धकांना प्रोत्साहित केले.
शहरातील संत गाडगेबाबा चौकातून पहाटे सहाला या स्पर्धेला सुरुवात झाली. ज्येष्ठ नेते बापूसाहेब पाटेकर, भाजपाचे तालुकाध्यक्ष ताराचंद लोढे, सरचिटणीस भिमराज सागडे, भाजपा युवा संघटनेचे जिल्हा उपाध्यक्ष उमेश भालसिंग, महादेव पवार आदी प्रमुख कार्यकर्त्यांनी हिरवा झेंडा दाखवून हवेत फुगे सोडून स्पर्धेला सुरुवात केली. स्पर्धेत शेवगाव सायकल क्लबचे अध्यक्ष विनोद ठाणगे ,
रोटरीचे माजी अध्यक्ष भागनाथ काटे, डॉ. प्रदीप व डॉ. स्मिता उगले व डॉ. कृष्णा व डॉ .शिल्पा देहाडराय हे पतिपत्नी, डॉ. संदीप बोडखे, डॉ. दीपक वैद्य, डॉ. योगेश फुंदे, निळकंठ लबडे आदींसह ३५ विविध शैक्षणिक संस्थांतील सायकलपटू सहभागी झाले होते. तालुक्यातील बालमटाकळी येथे देखील आज अशीच स्पर्धा घेण्यात आली. यावेळी भाजपाचे नेते कासम शेख, संदीप देशमुख, भाऊसाहेब मुरकुटे, सुरेश नेमाणे, नारायण मडके, अंबादास ढाकणे यांचेसह स्पर्धक उपस्थित होते.