औंध – भाजपचे शहर चिटणीस लहू बालवडकर यांच्या वाढदिवसानिमित्त लहू बालवडकर सोशल वेलफेअर तर्फे चैतन्यस्पर्श हा देशातल्या १२ शक्तिपीठांच्या पादुकादर्शनाचा अभूतपूर्व सोहळा आयोजित करण्यात आला होता. यादरम्यान भव्य भजन स्पर्धेचे आयोजनदेखील संस्थेतर्फे करण्यात आले होते. या सोहळ्यासाठी राज्याचे उच्च व तंत्रशिक्षण मंत्री चंद्रकांतदादा पाटील आवर्जून उपस्थित होते.
लहू बालवडकर यांना यावेळी चंद्रकांत पाटील यांनी वाढदिवसाच्या शुभेच्छा दिल्या. यावेळी मंत्री पाटील म्हणाले, लहू बालवडकर दरवर्षीप्रमाणे भजन स्पर्धा आयोजित करत आहेत. दोन ते तीन दिवस चालणाऱ्या भजन स्पर्धेत खूप दूरवरून मंडळी येतात. लहू बालवडकर यांची लोकप्रियता इतकी आहे की, त्यांच्या कार्यक्रमाला लोक आवर्जून उपस्थित राहतात. तसेच लहू बालवडकर यांची प्रतिमा अशीच वाढत जावो आणि त्याचा कुठेतरी सामाजिक लाभ झाला पाहिजे, असेही चंद्रकांत पाटील यावेळी म्हणाले.
दरम्यान, आज दुपारी भाजपचे प्रदेशाध्यक्ष चंद्रशेखर बावनकुळे यांनी देखील पादुकांचे दर्शन घेतले. यावेळी त्यांनी लहू बालवडकर यांच्या कामाचे भरभरून कौतुक केले. यावेळी भाजपचे महासचिव विक्रांत पाटील, उपाध्यक्ष राजेश पांडे, आध्यात्मिक आघाडीचे तुषार भोसले, उपाध्यक्ष गणेश कळमकर, माजी नगरसेवक अमोल बालवडकर हे उपस्थित होते. सर्व मान्यवरांना यावेळी लहू बालवडकर यांनी राम मंदिराची प्रतिकृतीही भेट दिली.