पाटणा: देशात आता हळूहळू का होईना करोनाची दुसरी लाट ओसरताना दिसत आहे. असे असले तरी करोनाच्या तिसऱ्या लाटेची टांगती तलवार आहे. दरम्यान, देशात वेगाने लसीकरण होत आहे. या सर्वात आता महत्वाची भूमिका म्हणजे लसीकरणाची असल्याचे पाहायला मिळत आहे. परंतु, काही लसीकरण केद्रांवर आरोग्य कर्मचाऱ्यांचा हलगर्जीपणा उघड होताना दिसत आहे.
एकाच दिवशी पाच मिनिटांच्या अंतराने करोना लसीचे दोन्ही डोस दिल्याचे प्रकार मागील काही दिवसांत घडले. तर कुठे एकाच दिवशी एकाच व्यक्तीला एक डोस कोवशील्डचा, तर दुसरा डोस कोवॅक्सिनचा देण्यात आल्याचा प्रकारही समोर आला. हे घडले असताना आता बिहारच्या छपरामध्ये इंजेक्शनमध्ये लस भरताच सुई टोचण्यात आल्याचा धक्कादायक प्रकार समोर आला आहे. या घटनेचा व्हिडीओ सोशल मीडियावर प्रचंड व्हायरल झाला. त्यानंतर नर्सवर कारवाई करण्यात आली.
बिहार: छपरा नगर निगम वार्ड संख्या 01 उर्दू मध्य विधालय ब्रह्मपुर मुस्लिम बहुल क्षेत्र में कोविड वैक्सीन सेंटर बनाया गया है जिस पर दिनांक 21.06.2021 को स्वास्थ्य कर्मियों द्वारा कोविड वैक्सीन के नाम पर लोगों को ख़ाली सिरिंज का टीका लगाया जा रहा है। @nildeoreIAS @Saran_dm pic.twitter.com/RSzRqXoWMX
— Aftab Alam Khan (@iaftabalamkhan) June 22, 2021
लसीकरणादरम्यान नर्स रिकामी इंजेक्शन टोचत असल्याचा प्रकार समोर आला आहे. या प्रकरणाची पडताळणी केल्यास नर्सचा बेजबाबदारपणा समोर आला. त्यानंतर संबंधित नर्सला लसीकरण कार्यातून तातडीने हटवण्यात आल्याची माहिती डीआयओ डॉ. अजय शर्मांनी दिली. कामात हलगर्जीपणा करणाऱ्या नर्सला नोटीस बजावण्यात आली आहे. ४८ तासांत नोटिशीला समाधाकारक उत्तर न दिल्यास तिच्यावर पुढील कारवाई करण्यात येणार आहे.
इंजेक्शनमध्ये लस न भरताच ते टोचण्यात आल्याची घटना छपरा शहराच्या वॉर्ड नंबर एकच्या उर्दू माध्यमिक शाळेतील लसीकरण केंद्रात घडली. बुधवारी लसीकरणादरम्यान एका नर्सने रिकामी इंजेक्शन एका व्यक्तीला टोचले. हा व्हिडीओ सोशल मीडियावर व्हायरल झाला. लस घेण्यासाठी आलेल्या तरुणाचे नाव अजहर हुसैन होते. त्याचा मित्र लसीकरणाचा व्हिडीओ चित्रित करत होता. त्यात नर्सचा बेजबाबदारपणा चित्रित झाला.