Vasundhra Raje Scindia – राजस्थान तसेच देशातील पाच राज्यांच्या निवडणुका जाहीर झाल्यानंतर प्रचार जोरात सुरू आहे. दरम्यान, भाजपच्या दिग्गज नेत्या आणि माजी मुख्यमंत्री वसुंधरा राजे यांनी सिंधिया यांना राज्यात मुख्यमंत्रीपदाचे उमेदवार बनवण्याच्या मागणीला पाठिंबा दिला आहे. अशावेळी वसुंधराराजे यांनी राजकारण सोडण्याचे संकेत दिले आहे.
त्यांचा मुलगा दुष्यंत सिंह यांनी झालावाडमध्ये निवडणूक प्रचाराला संबोधित केले. यानंतर वसुंधराराजे यांनी केलेल्या भाषणने सर्वांचे लक्ष वेधले.त्यांनी आपल्या भाषणादरम्यान महत्त्वाचे संकेत दिले. वसुंधराराजे म्हणाल्या, ‘माझ्या मुलाचे म्हणणे ऐकून आता मी निवृत्ती घ्यावी,असे वाटते. तुम्ही सर्वांनी त्याला इतके चांगले प्रशिक्षण दिले आहे की, मला त्याला पुढे करण्याची गरज नाही. सर्व आमदार येथे आहेत आणि माझ्या मुलाकडे मला आता फार लक्ष ठेवण्याची गरज नाही असे मला वाटते. कारण तो स्वबळावर जनतेसाठी काम करत आहे.’
वसुंधरा पाच वेळा खासदार आणि चार वेळा आमदार झाल्या..
वसुंधराराजे यांचा मुलगा दुष्यंत सिंह झालावाड-बारण लोकसभा मतदारसंघातून खासदार आहे. पाच वेळा खासदार आणि चार वेळा आमदार राहिलेल्या वसुंधराराजे यांना मुख्यमंत्र्यांचा चेहरा म्हणून घोषित करण्याची मागणी सातत्याने होत आहे. मात्र, भाजपने ते केले नाही, त्यानंतर त्यांच्या भूमिकेवर अनेक प्रश्न उपस्थित केले जात आहेत.
‘आता मी निवृत्ती घेऊ शकते’
शुक्रवारी (03 नोव्हेंबर) झालेल्या बैठकीत तीन दशकांत केलेल्या कामाचा लेखाजोखा मांडल्यानंतर त्या म्हणाल्या, “माझ्या मुलाचे बोलणे ऐकून आता मला वाटते की मी निवृत्ती घेऊ शकते.मला काळजी करण्याची गरज नाही.”
यानंतर राज्यात सत्ता परिवर्तनाची हाक देत वसुंधराराजे म्हणाल्या की, ‘काँग्रेस सरकारमध्ये मोठा भ्रष्टाचार झाला, प्रश्नपत्रिका फुटल्या. राजस्थानला पुन्हा देशातील क्रमांक एकचे राज्य बनवायचे असेल, तर भाजपला सत्तेवर आणावे लागेल.’ दरम्यान, राजस्थानमध्ये 25 नोव्हेंबरला मतदान आहे आणि 3 डिसेंबरला मतमोजणी होणार आहे.