बॉलीवूडमधील किंग खान अर्थात शाहरुख खानच्या आगामी “पठाण’ चित्रपटाची चाहते उत्सुकतेने वाट पाहत आहे. या चित्रपटाचे दिग्दर्शन सिद्धार्थ आनंद करीत आहेत, ज्यांनी यापूर्वी वॉरसारखे सुपरहिट चित्रपट केले आहेत. पठाण हा चित्रपट एक मोठा मल्टीस्टारर चित्रपट मानला जात आहे.
या चित्रपटात शाहरुख खानसोबत सलमान खान, दीपिका पादुकोण आणि जॉन अब्राहमही दिसणार आहेत. मात्र, जॉन अब्राहमला पठाण चित्रपटाचे शूट पूर्ण करण्यासाठी वेळ मिळत नाही. जॉन अब्राहम सध्या आपल्या आगामी चित्रपट “सत्यमेव जयते’च्या शूटिंगमध्ये व्यस्त आहे. आता जॉन 2021मध्ये पुनरागमन करण्यासाठी पूर्णपणे तयार आहे.
जॉन आपल्या पुढच्या चित्रपटाच्या शूटिंगसाठी सेटवर परत आला आहे. “सत्यमेव जयते’चे शूटिंग संपवून तो “अटॅक’च्या शूटिंगला सुरुवात करणार आहे. या चित्रपटाचे शूटिंग दिल्लीत पूर्ण करण्यात येणार आहे. जॉनचे चित्रपटांच्या शूटिंगचे वेळापत्रक ऐवढे जास्त व्यस्त आहे की, त्याला शाहरुख खानच्या “पठाण’ चित्रपटाच्या शूटिंगसाठी वेळ मिळत नाही. जॉन मार्चमध्ये शाहरुख आणि दीपिकासमवेत दुबईला जाणार आहे, जेथे तो पठाणचे शेवटचे वेळापत्रक पूर्ण करेल. त्याचबरोबर हेही बोलले जात आहे की, पठाण चित्रपटाचे शूट जॉनमुळेच लांबीवर पडत आहे. कारण जॉनने चित्रपटाचे शूटिंग अजून सुरू केलेले नाही.