Indian Premier League 2024 (Live Cricket Score, GT vs DC) : आज आयपीएल 2024 च्या 40व्या सामन्यात दिल्ली कॅपिटल्सचा सामना गुजरात टायटन्सशी होत आहे. हा सामना दिल्लीतील अरुण जेटली स्टेडियमवर खेळला जात आहे. शेवटच्या वेळी दोन्ही संघ आमनेसामने आले तेव्हा दिल्लीने गुजरातचा सहा विकेट्सने पराभव केला होता. मात्र, त्यानंतर दिल्लीचा सनरायझर्सकडून पराभव झाला, तर गुजरातने पंजाबविरुद्ध विजय मिळवला. आजच्या सामन्यात दोघांमध्ये चुरशीची स्पर्धा होऊ शकते.
दिल्ली कॅपिटल्सने गुजरात टायटन्ससमोर 225 धावांचे लक्ष्य ठेवले आहे. नाणेफेक हारल्यानंतर प्रथम फलंदाजी करण्यासाठी आलेल्या दिल्ली कॅपिटल्सने 20 षटकांत 4 गडी गमावून 224 धावा केल्या. दिल्ली कॅपिटल्ससाठी कर्णधार ऋषभ पंतने 43 चेंडूत 88 धावांची सर्वोच्च खेळी खेळली. त्याने आपल्या खेळीत 5 चौकार आणि 8 षटकार मारले. तर अक्षर पटेलने 43 चेंडूत 66 धावांचे योगदान दिले. त्याने आपल्या खेळीत 5 चौकार आणि 4 षटकार मारले. याशिवाय शेवटच्या षटकांमध्ये ट्रिस्टन स्टब्सने शानदार फलंदाजी करत 7 चेंडूत 26 धावा केल्या.
Innings Break!#DC put up a huge total of 224/4 on the board, courtesy of half-centuries from Axar Patel & Rishabh Pant 🔥
Can #GT chase it & settle their scores with the home side? 🤔
Scorecard ▶️ https://t.co/48M4ajbLuk#TATAIPL | #DCvGT pic.twitter.com/NmDn0dgmtZ
— IndianPremierLeague (@IPL) April 24, 2024
विशेषत: ऋषभ पंत आणि ट्रिस्टन स्टब्स यांनी शेवटच्या 4 षटकांमध्ये तुफानी फलंदाजी केली. दिल्ली कॅपिटल्सच्या फलंदाजांनी शेवटच्या 24 चेंडूत 97 धावा केल्या. ऋषभ पंतने मोहित शर्माच्या 20व्या षटकात 31 धावा केल्या, ज्यात त्याने 3 षटकार ठोकले. याआधी 19वे षटक टाकण्यासाठी आलेल्या साई किशोरने 6 चेंडूत 22 धावा दिल्या. अशाप्रकारे शेवटच्या 12 चेंडूत 53 धावा झाल्या.
पंत आणि पटेल यांनी सांभाळली डावाची धुरा…
ऋषभ पंत आणि अक्षर पटेल यांच्यात 113 धावांची भागीदारी झाली. मात्र, त्याआधी नाणेफेक गमावून फलंदाजीला आलेल्या दिल्ली कॅपिटल्सची सुरुवात चांगली झाली नाही. सलामीवीर जेक फ्रेझर-मॅकगर्क 14 चेंडूत 23 धावा करून पॅव्हेलियनमध्ये परतला. पृथ्वी शॉ 7 चेंडूत 11 धावा करून तर शाई होपने 6 चेंडूत 5 धावा करून तंबूत परतला. दिल्ली कॅपिटल्सचा संघ 5.4 षटकांत 44 धावांत 3 गडी गमावल्यानंतर संघर्ष करत होता. मात्र यानंतर ऋषभ पंत आणि अक्षर पटेलने डावाची सुत्रे आपल्या हाती घेत संघाला अडचणीतून बाहेर काढत मोठी धावसंख्या उभारली.
गुजरात टायटन्सच्या गोलंदाजांची धुलाई….
गुजरात टायटन्सच्या गोलंदाजांबद्दल बोलायचे झाल्यास, संदीप वारियर हा सर्वात यशस्वी गोलंदाज होता. संदीप वॉरियरने दिल्ली कॅपिटल्सच्या 3 फलंदाजांना आपला बळी बनवले. त्यानं 3 षटकात 15 धावा दिल्या. याशिवाय नूर अहमदने 3 षटकात 36 धावा देताना 1 गडी बाद केला. मोहित शर्माने 4 षटकात 73 धावा दिल्या, मात्र या गोलंदाजाला यश मिळाले नाही. राशिद खानने 4 षटकात 35 धावा दिल्या. तोही विकेट घेण्यात अपयशी ठरला.
