भुवनेश्वर – भुवनेश्व्रमधील “इन्स्टिट्युट ऑफ लाईफ सायन्सेस’ या इन्स्टिट्युटला कोविड-19 वरील औषध निर्माणासाठी करोना बाधित रुग्णांच्या नमुन्यामधून व्हिट्रो कल्चर करण्यास यश आले आहे. व्हिट्रो कल्चरच्य माध्यमातून औषधाची मानवी चाचणी घेण्याऐवजी वैद्यकीय चाचणी टेस्टट्युबमध्येच घेणे शक्य होणार आहे. ही पद्धत व्हिव्हो अर्थात जिवंत नमुन्यावरील चाचणीपेक्षा अगदी विरोधी आहे.
देशातील वेगवेगळ्या ठिकाणांवरील रुग्णांच्या घशातील स्वॅब नमुन्यांमधून 17 व्हायरस कल्चर करण्यात आले आहेत. यात वेगवेळ्या विषाणूंचा अंतर्भाव करण्यात आला आहे, असे “आयएलएस’ या बायोटेक्नोलॉजी विभागाच्या स्वायत्त संस्थेच्या अधिकाऱ्यांनी सांगितले.
व्हिरो सेल कल्चर तंत्रज्ञानाचा वापर निष्क्रिय केलेल्या संपूर्ण पेशीवर आधारित लस करण्यासाठी विकसित केला जातो. व्हिरो सेल लाइन ही नियामक अधिकाऱ्यांकडून सर्वात व्यापकपणे स्वीकारली जाणारी “कन्टिन्यूअस सेल लाइन’ आहे आणि पोलिओ, रेबीज विषाणूंच्या कल्चरसाठी 30 वर्षांपासून वापरला जात आहे.
व्हिट्रो कल्चरमध्ये सभोवतालच्या पेशींसह घेतलेल्या सूक्ष्मजीवांच्या अभ्यासाचा समावेश आहे, तर व्हिरो सेल्स वाढत्या व्हायरससाठी होस्ट पेशींच्या अभ्यासाचा समावेश असतो.
भारतातून इतर केवळ तीन प्रयोगशाळांमध्येच आजपर्यंत व्हायरस कल्चर करण्यात आले आहे. त्यामुळे “आयएलएस’चे हे मोठे यश आहे, असे “आयएलएस’चे संचालक अजय परीदा यांनी सांगितले.