Loan Apps : गुगलने एका वर्षात आपल्या Play Store वरून सुमारे 2,200 बनावट लोन ॲप्स काढून टाकले आहेत. सरकारने मंगळवारी संसदेत ही माहिती दिली. सरकारने म्हटले आहे की गुगलने सप्टेंबर 2022 ते ऑगस्ट 2023 दरम्यान 2,200 हून अधिक कर्ज ॲप्स त्याच्या प्ले स्टोअरवरून काढून टाकले आणि ब्लॉक केले आहेत जे फसवे होते.
वित्त राज्यमंत्री भागवत कराड यांनी राज्यसभेत लेखी उत्तरात सांगितले की, फसव्या लोन ॲप्सवर नियंत्रण ठेवण्यासाठी सरकार रिझर्व्ह बँक ऑफ इंडिया (RBI) आणि इतर नियामकांसोबत सतत काम करत आहे.मंत्री म्हणाले की, इलेक्ट्रॉनिक्स आणि माहिती तंत्रज्ञान मंत्रालयाकडून (MeitY) मिळालेल्या माहितीनुसार, एप्रिल 2021 ते जुलै 2022 दरम्यान, Google ने सुमारे 3,500 ते 4,000 लोन ॲप्सचे पुनरावलोकन केले आणि 2,500 हून अधिक लोन ॲप्स त्याच्या Play Store वरून हटवले. तसेच सप्टेंबर 2022-ऑगस्ट 2023 दरम्यान, 2,200 हून अधिक लोन ॲप्स Google Play Store वरून काढून टाकण्यात आले असल्याचे देखील त्यांनी स्पष्ट केले.
गुगलनेही लोन ॲप्समुळे होणाऱ्या फसवणुकीबाबत आपल्या धोरणात बदल केले आहेत. नवीन धोरणानुसार, आता Google Play Store फक्त तेच लोन ॲप्स प्रकाशित करेल ज्यांना रेग्युलेटेड इन्स्टिट्यूशन (RE) ने मान्यता दिली आहे.
रिझर्व्ह बँकेने डिजिटल प्लॅटफॉर्मद्वारे लोन सेवा प्रदान करणाऱ्या प्लॅटफॉर्मसाठी मार्गदर्शक तत्त्वे जारी केली आहेत, ज्याचा उद्देश डिजिटल कर्जासाठी नियामक फ्रेमवर्क मजबूत करणे तसेच ग्राहक संरक्षण वाढवणे आहे. इंडियन सायबर क्राइम कोऑर्डिनेशन सेंटर (I4C) आणि गृह मंत्रालय (MHA) देखील देशातील ऑनलाइन कर्ज देणाऱ्या ॲप्सवर लक्ष ठेवून आहेत.
JanSamarth पोर्टलवरून कर्ज मिळेल
भागवत कराड यांनी दुसऱ्या प्रश्नाच्या उत्तरात सांगितले की, जनसमर्थ ऑनलाइन कर्ज देण्यास तयार आहे. क्रेडिट लिंक सरकारी योजनेअंतर्गत या पोर्टलसाठी कर्ज उपलब्ध होईल. आतापर्यंत या पोर्टलवरून एकूण 1,83,903 लाभार्थ्यांना कर्ज मिळाले आहे. हे गेल्या वर्षी डिसेंबरमध्ये लॉंच करण्यात आले होते.