हे बैठकस्थितीतील आसन आहे. तोलात्मक आसन असल्यामुळे हे करताना विशेष काळजी घेणे गरजेचे आहे. नाहीतर पाठीवर किंवा तोंडावर पडण्याची शक्यता असते. बैठकस्थितीप्रमाणेच शयनस्थितीतसुद्धा हे आसन करता येते.
प्रथम बैठकस्थिती घ्यावी.
दोन्ही पायात अंतर घ्यावे.
श्वास सोडत हाताने पायाचे अंगठे पकडावेत.
श्वास घेत दोन्ही पाय उचलून सीटवर आसन स्थिर करावे.
आसन सोडताना उलट क्रमाने बैठक स्थितीत यावे. या आसनामुळे शरीराची वर्तुळाकार स्थिती होते.
वर्तुळासनाचे फायदे
हातापायांचे स्नायू मजबूत होतात. हिप्स कमी व्हायला मदत होते म्हणजेच अतिरिक्त चरबीचा नाश होतो. ज्या स्त्रियांना योनीचे काही विकार आहेत, ते बरे व्हायला या आसनामुळे मदत होते. हे आसन ओटी पोटावर अतिरिक्त ताण देते. त्यामुळे गर्भाशयाचे तसेच स्त्रियांच्या मासिक पाळीचे विकार बरे होतात. मेद कमी होतो दृष्टी स्थिर ठेवून आपण वर्तुळासन करतो त्यामुळे नेत्र रोग बरे होतात. रक्ताभिसरण सुधारते. हातापायांना घोटीवपणा येतो. एकंदर त्वचेचे टोनिंग सुधारते. स्त्रियांनी हे आसन करणे आवश्यक आहे. यामुळे छाती, पोट, नितंब साऱ्याच अवयवांना रेखीवता येते. त्यामुळे सौंदर्य प्रदान करणारे वर्तुळासन नियमित करावे.