एखादी गोष्ट वारंवार सांगितली तर ती लोकांना सत्य वाटू लागते या गोष्टीचा सध्या राजकारणात प्रामुख्याने प्रभाव दिसून येतो. प्रसार माध्यमांचाही यात आता मोठा वाटा असतो. या तंत्राची ओळख जगाला पहिल्यांदा करून देणारे योझेफ पाउल गोबेल्स यांचा आज जन्मदिन. त्यांच्या या तंत्राला “गोबेल्स नीती’ हे नाव पडले. याच “गोबेल्स नीती’मुळेच हिटलर सत्तेवर आला आणि सत्ता टिकवू शकला.
त्यांचा जन्म जर्मनीमधे ऱ्हाइनलॅंडमधील रेयट (ठहशूवीं) या गावी एका मजूर कुटुंबात 29 ऑक्टोबर 1897 रोजी झाला. लहानपणी अर्धांगवायूच्या झटक्यामुळे तो एका पायाने अधू झाला, त्यामुळे त्यास लष्करी शिक्षण घेता आले नाही. तथापि शालेय शिक्षण घेऊन त्याने पुढे 1921 मध्ये डॉक्टर ऑफ फिलॉसॉफी ही पदवी, ज्या समाजाचा त्याने तिस्कार केला अशा ज्यू जमातीच्या फ्रीड्रिख गुंडोल्फ या प्राध्यापकाच्या मार्गदर्शनाखाली संपादिली आणि वृत्तपत्र व्यवसायामध्ये प्रवेश केला. या सुमारास बव्हेरियामधील नाझी पक्षाकडे तो आकर्षित झाला.
वर्ष 1925 मध्ये तो त्या पक्षाचा सचिव आणि श्ट्रासर बंधूंच्या वृत्तपत्राचा संपादक झाला. उत्तर जर्मनीतील विद्यार्थी चळवळीत त्याने हिरिरीने भाग घेतला. शिवाय बर्लिन येथून प्रसिद्ध होणाऱ्या नाझी वृत्तपत्रांतून ते वेळोवेळी लेखन करीत. श्ट्रासर व हिटलर यांच्यात मतभेद झाले, त्या वेळी हिटलरच्या व्यक्तिमत्त्वाने दिपून जाऊन त्यांनी हिटलरची बाजू घेतली. 1926 मध्ये हिटलरने त्यांस बर्लिन येथे शाखाप्रमुख नेमले. त्यावेळी त्यांनी आपल्या डेर अँग्रीफ या वृत्तपत्रातून, तसेच सार्वजनिक सभांतून आपले प्रचारतंत्र व चळवळीचे कौशल्य दाखवून दिले. त्यामुळे हिटलरने 1929 मध्ये त्यांस नाझी पक्षाचा प्रचार-प्रमुख नेमले. वर्ष 1928 मध्ये ते जर्मन संसदेचे सभासद म्हणून निवडून आले.
1931 मध्ये माग्दा क्वाना ह्या विधवेशी त्यांनी विवाह केला. 1933 मध्ये नाझी पक्ष सत्तेवर आरूढ होण्यास त्यांचे हिटलरला साहाय्य झाले. दुसऱ्या महायुद्धात आपल्या देशाचे लक्ष युद्धावर केंद्रित करण्यात, तसेच सैनिकांचे व नागरिकांचे मनोधैर्य वृद्धिंगत करण्यात आणि अंतर्गत व्यवस्था राखण्यात त्यांच्या प्रचारयंत्रणेचा फार मोठा उपयोग झाला. त्यांच्या प्रभावी प्रचारयंत्रणेमुळे सर्वत्र दरारा व भीती निर्माण झाली.
जनमानसात ज्यूंविरोधात मत तयार करण्याचं काम त्यांच्या प्रचारतंत्राने केलं. गोबेल्स डायरीज या नावाने त्यांनी आपली रोजनिशी लिहिली असून तिचे इंग्रजीत भाषांतर झाले (1948). ती हिटलरकालीन घडामोडींच्या इतिहासाचे एक विश्वसनीय साधन आहे. त्यांनी लिहिलेल्या तो तो घरळीशीहेषर्रूीी ठशळलहीज्ञरपूश्रशळ या पुस्तकातून नाझी पक्षाचा उदय व सत्ताग्रहण यावर प्रकाश टाकला आहे. तसेच त्यांनी लिहिलेल्या ढरसशर्लीलहशी या पुस्तकातून युद्धकालीन नाझी मनोवृत्तीवर प्रकाश पडतो.
हिटलरनंतर गोबेल्सचा क्रूरकर्मात दुसरा नंबर लागतो. ते सहकाऱ्यांशी, हाताखालील अधिकाऱ्यांशी तिरस्काराने वागत. इतर नाझी पुढाऱ्यांना ते अप्रिय वाटत. जहाल शब्दांत विषारी प्रचार करण्याची त्यांची हातोटी नाझी पक्षास अतिशय उपयुक्त व उपकारक ठरली. पुनरुक्तीने असत्यही सत्य भासते, या तत्त्वावर त्यांचा विश्वास होता. बर्लिनच्या पाडावाच्या वेळी 1 मे 1945 रोजी बंकर मधे लपलेले गोबेल्स पत्नीसह बाहेर आले व त्यांनी गोळ्या झाडून घेऊन आत्महत्या केली.