पुणे – पुनीत बालन ग्रुप तर्फे आयोजित फ्रेंडशिप करंडक क्रिकेट अजिंक्यपद स्पर्धेत पुनीत बालन ग्रुप, दगडूशेठ वॉरियर्स, पुणे लायन्स, मंडई मास्टर्स, साई पॉवर हिटर्स आणि तुळशीबाग टस्कर्स या संघांनी आपापल्या प्रतिस्पर्धी संघांचा पराभव करून स्पर्धेत सलग दुसरा विजय नोंदविला.
मुकुंदनगर येथील कटारिया हायस्कूल मैदानावर सुरू असलेल्या या स्पर्धेचे आजचे शनिवार आणि रविवारचे सामने पुढे ढकलण्यात आले आहे. राज्य शासनाने दिलेल्या आदेशाचे पालन करत, नागरिकांचे आरोग्यहित लक्षात घेता स्पर्धेचे दोन दिवसाचे सामने पुढे ढकलण्यात आले असल्याचे स्पर्धेचे संचालक पुनीत बालन यांनी सांगितले.
काल संध्याकाळी उशिरा झालेल्या सामन्यांमध्ये पुनीत बालन ग्रुप लायन्स संघाने दगडूशेठ वॉरियर्स संघाचा राखून पराभव केला. पुणे लायन्स संघाने शितळादेवी सुपरनोव्हाज संघाचा राखून पराभव केला. मंडई मास्टर्स संघाने कसबा सुपर किंग्ज संघाचा त्यांनी पराभव करून सलग दुसरा विजय मिळवला.
स्पर्धेचा सविस्तर निकाल – गटसाखळी फेरी –
दगडूशेठ वॉरियर्स – 8 षटकांत 8 बाद 61 (अमोल चव्हाण 15, प्रकाश चव्हाण 11, सनी सिध 11, संतोष पाटोळे 3-6, पुनीत बालन 2-18 पराभूत वि. पुनीत बालन ग्रुप लायन्स – 3.2 षटकात बिनबाद 65 (साजन मोदी नाबाद 36, 5 चौकार, 2 षटकार, अनिकेत कुंभार नाबाद 27, 1 चौकार, 2 षटकार; सामनावीर- साजन मोदी.
शितळादेवी सुपरनोव्हाज – 8 षटकांत 4 बाद 59 (मयांक सावंत 16, अमोल महानकाळे 20, विजय धकाते 13, मनोहर पाटील 2-11 पराभूत वि. पुणे लायन्स – 5.3 षटकांत 4 बाद 60 (पुष्कराज जोशी 20, अमित पार्ले 16, श्रीनिवास सरवदे 10, विजय धकाते 3-17; सामनावीर- पुष्कराज जोशी.
मंडई मास्टर्स – 8 षटकात 6 बाद 75 ( केदार पाटील 23, सुरज थोरात 19, ओंकार ठोंबरे 11, सत्यजीत वाईकर 2-14 वि. वि. कसबा सुपर किंग्ज – 8 षटकांत 9 बाद 44 (सम्राट रावते 19, सुरज थोरात 4-10, मयूर लकडे 2-10; सामनावीर- सुरज थोरात.
गुरुजी तालीम टायटन्स – 8 षटकांत 6 बाद 44 (अक्षय काटमोडे 10, रमेश मिरंगे 4-5 पराभूत वि. साई पॉवर हिटर्स – 2.5 षटकांत बिनबाद 48 (मयूर कारंडे नाबाद 40, 4 चौकार, 4 षटकार, सागर थरकुडे नाबाद 6; सामनावीर – रमेश मिरंगे.
तुळशीबाग टस्कर्स – 8 षटकांत 1 बाद 112 (आदित्य परदेशी 75, 5 चौकार, 7 षटकार, नितीन पंडित 24 नाबाद; वि. वि. युवा योद्धाज – 8 षटकात 7 बाद 45 (सौरभ एरंडे 17, महेंद्र भामरे 2-4, सचिन थिटे 2-10; सामनावीर- आदित्य परदेशी.
सेलिब्रीटी सुपर स्टार्स – 8 षटकांत 5 बाद 62 (ऋतुराज फडके 32, कार्तिक केंढे 11, धीरज ढगे 2-4, सचिन जाधव 2-10 पराभूत वि. मीडिया रायटर्स – 5.3 षटकांत 2 बाद 63 धीरज ढगे 38, 4 चौकार, 1 षटकार, सुकृत करंदीकर 12, संदीप जवाटकर 1-13; सामनावीर – धीरज ढगे.