नवी दिल्ली : देशावर कोरोनाचं संकट अद्याप आहे. देशभरात कोरोना रूग्णांची संख्याही झपाट्याने वाढताना दिसतेय. कोरोना संकटाच्या पार्श्वभूमीवर संसदेच्या पावसाळी अधिवेशनाला सोमवारपासून सुरूवात झाली. अधिवेशनाला उपस्थित राहण्यापूर्वी सर्वच खासदार आणि मंत्र्यांची कोरोना चाचणी करण्यात आली.
संसदेच्या पावसाळी अधिवेशनाच्या पहिल्याच दिवशी दोन्ही सभागृहातील 25 खासदार कोरोना पॉझिटिव्ह असल्याचे आढळले आहे. यामध्ये 17 खासदार लोकसभेचे आणि 8 राज्यसभेचे आहेत. कोरोनाची लागण झालेल्या लोकसभेच्या 17 खासदारामध्ये भाजपच्या 12 तर शिवसेनेच्या एका खासदारास आणि वायएसआर काँग्रेसच्या 2, डीएमके आणि आरएलपी पक्षाच्या प्रत्येकी एक खासदारास कोरोनाची बाधा झाली आहे. तसेच दोन केंद्रीय मंत्र्यांचाही अहवालही पाॅझिटिव्ह आला आहे.
17 MPs, including Meenakshi Lekhi, Anant Kumar Hegde and Parvesh Sahib Singh, test positive for #COVID19. pic.twitter.com/sZjNbR7fCg
— ANI (@ANI) September 14, 2020
दरम्यान,करोना काळात संसदेचे ऐतिहासिक अधिवेशन आजपासून सुरु झाले आहे. राज्यसभा सकाळी 9 ते 1 आणि लोकसभा दुपारी 3 ते 7 अशा दोन सत्रांमध्ये हे कामकाज होत आहे. करोना पार्श्वभूमीवर पहिल्यांदाच एका सभागृहाच्या कामकाजासाठी दोन सभागृहे वापरली जाणार आहेत. 14 सप्टेंबर ते 1 ऑक्टोबर असा संसदेच्या अधिवेशनाचा कार्यक्रम ठरवण्यात आला आहे.