बेल्हे : बेल्हे (ता.जुन्नर) येथे एकूण 21 करोनाबाधित रुग्ण आढळले होते. त्यापैकीच केवळ 1 रुग्ण ॲक्टिव्ह राहिला असून उपचारा दरम्यान 19 रुग्ण बरे झाले तर 1 रुग्ण मृत झाला आहे, अशी माहिती बेल्हे प्राथमिक आरोग्य केंद्राचे वैद्यकीय अधिकारी डॉ. एस. बी. थोरात यांनी दिली.
गावात साधारण (दि.13) जुलै रोजी करोनाचा पहिला रूग्ण आढळला होता. प्रशासनाने महीनाभरात गावात प्रतिबंधात्मक कारवाई केली. प्रशासनाने खबरदारी म्हणून (दि.16) जुलै पासुन संपुर्ण गाव सील केले होते. यामुळे करोनाची वाढती साखळी तोडण्यास प्रशासनाला यश आले.
सध्या गावात केवळ एकच रूग्न ॲक्टीव आहे तर त्या रूग्णाच्या घरातील सर्व व्यक्ती चा अहवाल शनिवार (दि.15) रोजी निगेटीव्ह आल्याने ही बाब सुध्दा बेल्हेकरांसाठी दिलासादायकच आहे. तर 1 रूग्ण पुणे येथील ससुन रूग्नालयात उपचार घेत असून लवकेच तो ही बरा व्हावा अशी ग्रामस्थांनी प्रार्थना केली आहे. नागरिकांना आरोग्य सेवा देणारे प्राथमिक आरोग्य केंद्राचे वैद्यकीय अधिकारी डाॅ. एस. बी. थोरात व सर्व आरोग्य कर्मचाऱ्यांचे बेल्हे ग्रामस्थांनी आभार मानले.