पुणे – इंजिन इनसाईट रिसर्च एजन्सी आयोजित दुसऱ्या समर लीग टी-20 क्रिकेट
स्पर्धेला आजपासून सुरुवात होत असून स्पर्धेत 24 संघांनी आपला सहभाग नोंदविला आहे. ही स्पर्धा प्रत्येक सप्ताहाच्या शनिवार व रविवार या दोन दिवशी खेळविण्यात येणार आहे.
याविषयी अधिक माहिती देताना इंजिन इनसाईट रिसर्च एजन्सीचे प्रतीक धुमाळ व अनिकेत नलावडे यांनी सांगितले की, स्पर्धेचे हे दुसरे सत्र असून या स्पर्धेत पुणे, सांगली, बारामती, सातारा येथून एकूण 24 संघ सहभागी झाले आहेत. तसेच, स्पर्धेत एकूण 2 लाख रुपयांची पारितोषिके देण्यात येणार आहेत. स्पर्धेचे सामने साखळी व बाद पद्धतीने खेळविण्यात येणार आहेत. साखळी फेरीत प्रत्येक संघाला 3 सामने खेळावे लागणार आहेत.
या स्पर्धेत सनी इलेव्हन, रायझिंग चॅम्पियन, मधूप्रयाग, हेमंत पाटील निधी बॅंक इलेव्हन, वाव क्रिकेट अकादमी, एआरएआय क्रिकेट क्लब, लक्ष क्रिएशन्स, फॅंटम, पूना स्पोर्टस्, पुणे पोलीस, युनिव्हर्सल क्रिकेट क्लब, सनरायजेस, योद्धा ग्रुप बारामती, सांगली इलेव्हन, क्रीकबडी, क्रीकइंजिनियर्स, एबी इलेव्हन हे संघ सहभागी झालेले आहेत.