नवी दिल्ली – मानवी संवेदना हेलावून टाकणाऱ्या श्रद्धा वालकर हत्येप्रकरणी दिल्ली पोलीस लवकरच अर्थात जानेवारेच्या अखेरीस आरोपपत्र दाखल करू शकतात. दिल्ली पोलिसांनी आरोपपत्राचा मसुदा तयार केला आहे. सध्या कायदेतज्ज्ञ याकडे लक्ष देत आहेत.
आफताबने 18 मे रोजी श्रद्धाची हत्या केल्यानंतर तिच्या मृतदेहाचे 35 तुकडे केल्याचा आरोप आहे. त्याने शरीराचे अवयव सुमारे तीन आठवडे दक्षिण दिल्लीतील मेहरौली येथील त्याच्या निवासस्थानी 300 लिटरच्या फ्रीजमध्ये ठेवले आणि अनेक दिवस शहरात टाकून दिले. छतरपूरच्या जंगलातून सापडलेली हाडे आणि मृत व्यक्तीचा डीएनए अहवाल, ज्याने पुष्टी केली की ही हाडे श्रद्धाचीच आहेत हे सर्व आरोपपत्राचा भाग आहेत.
याशिवाय आफताब पूनावालाचा कबुलीजबाब आणि नार्को चाचणी अहवालाचाही समावेश आहे. आरोपी आफताब पूनावाला याला 12 नोव्हेंबर रोजी अटक करण्यात आली आणि पाच दिवसांची पोलीस कोठडी ठोठावण्यात आली, जी 17 नोव्हेंबर रोजी पाच दिवसांनी वाढवण्यात आली. तो सध्या तिहार तुरुंगात बंद आहे. याप्रकरणी 100 साक्षीदारही तपासादरम्यान तपासण्यात आले आहेत.
