Pro Kabaddi League – कबड्डी खेळात मोठ्या प्रमाणात प्रसिद्धी मिळवलेल्या प्रो कबड्डी लीग स्पर्धेच्या ९ व्या हंगामाबाबत चाहत्यांच्या मनात प्रचंड उत्सुकता होती. मात्र आता ७ ऑक्टोबर म्हणजे उद्यापासून या स्पर्धेला सुरुवात होणार आहे. मागील दोन वर्षांच्या कोरोना संकटामुळे प्रेक्षकांना मैदानात जाऊन हा खेळ पाहता आला नाही. मात्र यंदाच्या स्पर्धेत प्रेक्षकांना पूर्णपणे निबंधमुक्त हा खेळ मैदानात जाऊन पाहण्याचा आनंद घेता येणार आहे.
यंदाच्या प्रो कबड्डी लीग ( Pro Kabaddi League ) स्पर्धेत एकूण १२ संघ खेळणार आहे. त्याचबरोबर ही स्पर्धा तीन टप्प्यात खेळवली जाणार आहे. पहिल्या आणि दुसऱ्या टप्प्यातील कार्यक्रम स्पर्धेच्या आयोजकांकडून जाहीर करण्यात आलेला आहे. पहिल्या टप्प्यातील सर्व सामने बंगलोर येथे तर दुसऱ्या टप्प्यातील सर्व सामने पुणे येथे खेळले जाणार आहेत. मात्र तिसऱ्या आणि शेवटच्या टप्प्यातील सामन्यांचा कार्यक्रम अद्याप जाहीर करण्यात आलेला नाही.
THE WAIT IS FINALLY OVER 🤩
𝐀𝐟𝐭𝐞𝐫 𝟯 𝐲𝐞𝐚𝐫𝐬, 𝟭𝟬𝟴𝟮 𝐝𝐚𝐲𝐬 𝐚𝐧𝐝 an 𝗲𝗻𝗱𝗹𝗲𝘀𝘀 𝐰𝐚𝐢𝐭….. we open the doors to fans for #FantasticPanga 🙌
Book your #vivoProKabaddi Season 9 tickets exclusively on Book My Show! pic.twitter.com/n6IKMNnIhJ
— ProKabaddi (@ProKabaddi) October 4, 2022
प्रो कबड्डी लीग ( Pro Kabaddi League ) स्पर्धेत यंदा बंगाल वॉरियर्स, बंगलोर बुल्स, दबंग दिल्ली, गुजरात दिग्गज, हरियाणा स्टीलर्स, जयपूर पिंक पँथर्स, पाटणा पायरेट्स, पुणेरी पलटण, तमिळ थलायवास, तेलुगु टायटन्स, यू मुंबई आणि यूपी योद्धा अशा १२ संघांनी सहभाग घेतला आहे. स्पर्धेचा पहिला सामना दबंग दिल्ली आणि यू मुम्बा यांच्यात खेळाला जाणार आहे. महत्वाचं म्हणजे उद्या एक नव्हे तर तीन सामने खेळवले जाणार आहेत.
