मुंबई – आज घटस्थापनेचा दिवस म्हणजेच नवरात्रीचा प्रारंभ. नवरात्री अर्थातच देवीची आराधना करण्याचे मंगलमय नऊ दिवस. अतिशय पवित्र अशा या नऊ दिवसांत देवीची मनोभावे पूजा केली जाते. नवरात्रोत्सवासाठी सार्वजनिक मंडळांनी विशेष तयारी केली असून जागोजागी गरबा आणि दांडियाची जोरदार तयारी करण्यात आली आहे. दरम्यान, या मंगलमय सोहळ्यासाठी सिनेसृष्टीतील कलाकारही मागे राहिले नसून त्यांनी देखील सोशल मीडियाच्या माध्यमातून नवरात्रीच्या शुभेच्छा दिल्या आहेत.
मराठी चित्रपटसृष्टीतील अभिनेत्री ‘तेजस्वीनी पंडीत’ हिने सुद्धा सोशल मीडियावर ‘कोल्हापूरची आंबाबाई’ या रुपातला एक फोटो पोस्ट केला असून, या मंगलमय सोहळ्याच्या शुभेच्छा दिल्या आहे. गेल्या वर्षीही तिने देवीच्या नऊ रुपातील नऊ फोटो आपल्या सोशल मीडिया अकाउंटवर शेअर केले होते.