‘सैरा नरसिम्हा रेड्डी’ चित्रपटाचा ट्रेलर १८ सप्टेंबरला होणार प्रदर्शित

मुंबई – आंध्र प्रदेशातील एका लढाऊ योद्ध्याची कथा असलेल्या ‘सैरा नरसिम्हा रेड्डी’ या चित्रपटाची उत्सुकता शिगेला पोहोचली आहे. या चित्रपटात अनेक कलाकरांची मांदियाळी पहायला मिळणार आहे. त्यामुळे सर्वांना आता या चित्रपटाच्या ट्रेलरची उत्सुकता लागली आहे. यामध्ये दाक्षिणात्य सुपरस्टार्स, बॉलिवूड सुपरस्टार यांना एकाच चित्रपटात पाहण्याची अनोखी पर्वणी प्रेक्षकांना मिळणार आहे.

काही दिवसांपूर्वीच या चित्रपटाचा टीझर प्रदर्शित करण्यात आला होता. या बहुप्रतीक्षित चित्रपटाचा ट्रेलर १८ सप्टेंबरला म्हणजेच येत्या २ दिवसात प्रेक्षकांच्या भेटीला येत आहे. यासंदर्भातच एक मोशन पोस्टर शेअर करत चित्रपट व्यापार विश्लेषक तरण आदर्श यांनी याबद्दल ट्विट करत माहिती दिली आहे.

या पोस्टरमध्ये दाक्षिणात्य सुपरस्टार चिरंजीवी यांची झलक पाहायला मिळत आहे. हा सिनेमा येत्या २ ऑक्टोबरला प्रेक्षकांच्या भेटीला येणार आहे. हिंदीसह, तेलुगू, तमिळ, कन्नड आणि मल्ल्याळम या चार दाक्षिणात्य भाषांमध्ये हा चित्रपट प्रदर्शित होणार आहे.

Leave A Reply

Your email address will not be published.