पुणे(प्रतिनिधी) – बार कौन्सिल ऑफ महाराष्ट्र आणि गोवाने केलेल्या मागणीनुसार राज्यातील वकिलांना 100 कोटी रुपये देण्याची मागणी ॲड. मंगेश लेंडघर यांनी मुख्यमंत्री उध्दव ठाकरे यांच्याकडे केली आहे. ईमेल आणि ट्विट करून ही मागणी केली आहे.
2 मे रोजी बार कौन्सिलने 100 कोटी रुपये मदत देण्याची मागणी मुख्यमंत्री ठाकरे यांच्याकडे केली आहे आहे. या पार्श्वभूमीवर ॲड. लेंडघर यांनी ही मागणी केली आहे. काँग्रेसचे अध्यक्ष राहुल गांधी, उपमुख्यमंत्री अजित पवार यांच्याकडेही मागणी करण्यात आली आहे.
करोनाचा न्यायालयाच्या कामावर मोठा परिणाम झाला आहे. वर्षांपासून न्यायालयाचे अंशतः काम सुरू आहे. सर्व घटकांना काही ना काही मदत केली आहे. वकील हा महत्वाचा घटक आहे. सर्वसामान्य नागरिकांना न्याय मिळवून देण्याचे कार्य वकील करतात.
वकिलांनी देशाच्या स्वातंत्र्यासाठी मोठे योगदान दिले आहे. या सर्व बाबींचा विचार करून बार कौन्सिल ऑफ महाराष्ट्र आणि गोवाच्या अध्यक्षांनी केलेल्या मागणीनुसार वकिलांना ताबडतोब 100 कोटी रुपयांची मदत देण्याची मागणी ॲड. लेंडघर यांनी ठाकरे यांच्याकडे केली आहे.