पूजा हेगडे सलमान खानच्या आगामी ‘कभी ईद कभी दिवाळी’ या चित्रपटात दिसणार आहे. चित्रपटाचे शूटिंग सुरू झाले आहे. दरम्यान, पूजाने तिच्या इंस्टाग्राम अकाऊंटवर चित्रपटाच्या सेटवरील एक फोटो पोस्ट केला आहे. हे पाहिल्यानंतर सलमानचे चाहते आनंदी झाले आहेत.
वास्तविक, पूजाने सलमान खानचा लोकप्रिय ब्रेसलेट परिधान करून ‘कभी ईद कभी दिवाळी’च्या शूटिंगची घोषणा केली. हा फोटो शेअर करत तिने कॅप्शनमध्ये लिहिले की,’शूटिंग सुरू झाले आहे. फोटोमध्ये पूजा काळ्या रंगाच्या आउटफिटमध्ये सुंदर दिसत आहे, ती तिच्या हातात सलमान खानचे सिग्नेचर ब्रेसलेट फ्लॉंट करताना दिसत आहे. हसत हसत ती ब्रेसलेटसोबत पोज देताना दिसत आहे. पूजाच्या या फोटोला चाहत्यांकडून जबरदस्त प्रतिसाद मिळत आहे.’
‘कभी ईद कभी दिवाळी’ हा चित्रपट बऱ्याच दिवसांपासून चर्चेत आहे. सलमान खान, पूजा हेगडेशिवाय या चित्रपटात आयुष शर्मा आणि अभिनेता झहीर इक्बाल यांच्याही भूमिका आहेत. त्याचवेळी राघव जुयाल देखील या चित्रपटात एका खास भूमिकेत दिसणार असल्याचे बोलले जात आहे. याशिवाय बिग बॉस-१४ फेम शहनाज गिल या चित्रपटातून पदार्पण करणार असल्याचीही बातमी आहे.
या चित्रपटाची चाहत्यांमध्ये खूप दिवसांपासून जबरदस्त क्रेझ आहे.या चित्रपटाचे दिग्दर्शन साजिद नाडियादवाला करत आहे. हा चित्रपट डिसेंबरमध्ये रिलीज होणार आहे.