हॅमिल्टन – ऑकलंडमध्ये खेळल्या गेलेल्या पहिल्या ( NZ vs IND ) सामन्यात न्यूझीलंडकडून दारुण पराभवाला सामोरे जावे लागल्यानंतर शिखर धवनच्या नेतृत्वाखालील टीम इंडियासाठी रविवारी “करो या मरो’चा सामना आहे. आता दुसरा सामना जिंकून टीम इंडिया मालिकेत बरोबरी साधण्याच्या तयारीने मैदानात उतरणार आहे.
ईडन पार्कवर खेळल्या गेलेल्या पहिल्या ( NZ vs IND ) सामन्यात भारतीय फलंदाजांनी चांगला खेळ दाखवला. शुभमन गिल आणि शिखर धवन या सलामीच्या जोडीने संथ सुरुवातीनंतर वेगवान धावा केल्या आणि मधल्या फळीसाठी एक चांगला मंच तयार केला. गिल आणि धवन या दोघांनीही अर्धशतके झळकावली. त्याच्याशिवाय श्रेयस अय्यरने 80 धावांची खेळी केली. आता दुसऱ्या सामन्यातही त्यांच्याकडून अशाच खेळाची अपेक्षा आहे.
गोलंदाजीबाबत सांगायचे झाल्यास टॉम लॅथम आणि केन विल्यमसनचा मुकाबला करण्याचा मार्ग शोधावा लागेल. गेल्या अनेक वर्षांपासून हे दोघेही भारताविरुद्ध सातत्यपूर्ण कामगिरी करत आहेत. सध्या उमरान मलिक प्रभावी गोलंदाजी करत आहे, तर अर्शदीप सिंगकडे स्विंग मिळवण्याची क्षमता असूनही त्याला वेगासाठी संघर्ष करावा लागत आहे. याशिवाय युझवेंद्र चहलऐवजी कुलदीप यादवला खेळवले जाईल की नाही हे पाहावे लागेल.
The action moves to Hamilton as #TeamIndia gear up for the 2️⃣nd #NZvIND ODI 💪🏻 pic.twitter.com/en0JK5LZBb
— BCCI (@BCCI) November 26, 2022
पहिल्या सामन्यात न्यूझीलंडने 307 धावांचे लक्ष्य सहज गाठले. हे लक्ष्य वाचवण्यात भारतीय गोलंदाजांना अपयश आले. भारतीय गोलंदाजीत सहाव्या गोलंदाजाची कमतरता स्पष्टपणे दिसून आली. यामुळे दुसऱ्या लढतीत शिखर धवन ही उणीव पूर्ण करू शकतो आणि अशा स्थितीत प्लेइंग-11 मध्ये बदल होऊ शकतो.
पहिल्या सामन्यात पंत आणि सॅमसन या दोन यष्टिरक्षकांसह उतरली. अशा परिस्थितीत संघ व्यवस्थापन सहाव्या गोलंदाजीच्या पर्यायासाठी एकाला वगळू शकतात. दरम्यान, नाणेफेक हा एक महत्त्वाचा घटक असेल. कारण संध्याकाळ होत असताना सेडॉन पार्कमध्ये फलंदाजी करणे सोपे होते.
