मुंबई – भारताचे पंतप्रधान नरेंद्र मोदी (Narendra Modi) आज त्यांचा 73 वा वाढदिवस (Birthday) साजरा करत आहेत. सर्वसामान्यांपासून ते सेलिब्रिटींपर्यंत जगातील सर्वात लोकप्रिय पंतप्रधान मोदींना वाढदिवसाच्या शुभेच्छा देत आहेत. सोशल मीडियावर नरेंद्र मोदी यांच्या अभिनंदनाच्या पोस्ट ट्रेंडिंगवर आहे.
मात्र, अश्यातच आज आम्ही तुम्हाला पंतप्रधान मोदींच्या (Narendra Modi) जीवनावर आधारित काही चित्रपटांबद्दल सांगणार आहोत, हे चित्रपट त्यांच्या वास्तविक जीवनातील संघर्ष सांगतात.
‘उरी: द सर्जिकल स्ट्राइक’ – हा काश्मीरमध्ये 2016 मध्ये झालेल्या गुप्त ऑपरेशनवर आधारित चित्रपट आहे. जो 11 जानेवारी 2019 रोजी प्रदर्शित झाला होता. या चित्रपटात विकी कौशलने मुख्य भूमिका साकारली आहे. मात्र, रजित कपूर यांनी साकारलेल्या चित्रपटात पीएम मोदींचा कॅमिओही होता.
‘पीएम नरेंद्र मोदी’ – हा चित्रपट देशाचे पंतप्रधान मोदींचा बायोपिक आहे. यामध्ये त्यांचा चहा विक्रेता ते पंतप्रधान होण्यापर्यंतचा प्रवास दाखवण्यात आला आहे. हा चित्रपट 24 मे 2019 रोजी रिलीज झाला होता ज्यामध्ये विवेक ओबेरॉयने पीएम मोदींची भूमिका साकारली होती.
‘मोदी: जर्नी ऑफ अ कॉमन मॅन’ – ही सुद्धा वेब सीरिज आहे जी 2019 मध्ये रिलीज झाली होती. या मालिकेत आणीबाणीचा काळ, पीएम मोदींचे बालपण आणि राजकारणातील त्यांचा प्रवेश याची कथा दाखवण्यात आली आहे.
‘अवरोध’ – ही एक लष्करी नाटक मालिका असून ज्यामध्ये नोटाबंदीची कथाही दाखवण्यात आली आहे. या मालिकेचे दोन सीझन आहेत जे सोनी लिव्हवर प्रसारित झाले. यामध्ये विक्रम गोखले यांनी पंतप्रधान नरेंद्र मोदी यांची भूमिका साकारली होती.
‘चलो जीते हैं’ – हा एक लघुपट आहे ज्यामध्ये पंतप्रधान नरेंद्र मोदी यांच्या बालपणीचा खरा संघर्ष दाखवण्यात आला आहे. या चित्रपटातील त्यांची भूमिका धैर्य दर्जी यांनी केली होती. हा चित्रपट 29 जुलै 2018 रोजी प्रदर्शित झाला होता.
