ICC ODI World Cup Final : विश्वचषक 2023 विश्वचषकाच्या अंतिम सामन्यात ऑस्ट्रेलियाने भारताचा 6 गडी राखून पराभव करत विश्वचषक जिंकला. भारत या विश्वचषकात सुरुवातीपासूनच अप्रतिम कामगिरी करत आला होता, आणि एकही सामना गमावलेला नव्हता, पण शेवटचा सामना गमावल्यामुळे भारतीय संघ विश्वविजेता बनू शकला नाही.
भारताच्या या पराभवानंतर ऑस्ट्रेलियातील अनेक मीडिया हाऊसनी भारताची खिल्ली उडवली. त्यापैकी एका ऑस्ट्रेलियन मीडियाच्या सोशल मीडिया पेजवर भारतीय खेळाडूंबद्दल अपमानास्पद पोस्ट टाकण्यात आली आहे, ज्याला ग्लेन मॅक्सवेलने लाईक केले आहे आणि ऑस्ट्रेलियन कर्णधार पॅट कमिन्सने त्यावर टिप्पणी देखील केली आहे.
सोशल मीडियावर केली अपमानास्पद पोस्ट..
वास्तविक, या सोशल मीडिया पोस्टमध्ये हॉस्पिटलचे एक छायाचित्र दाखवण्यात आले आहे, ज्यामध्ये ऑस्ट्रेलियाचा ट्रॅव्हिस हेड एखाद्या बाळाला जन्म देणाऱ्या आई सारखा बेडवर झोपलेला आहे आणि त्याच्या आजूबाजूला अनेक उभ्या परिचारिका आहेत ज्यांच्या हातात लहान मुले आहेत. या मुलांच्या चेहऱ्यावर विराट कोहली, रोहित शर्मा आणि केएल राहुलसारख्या भारतीय क्रिकेटपटूंची छायाचित्रे(फोटो) लावण्यात आली आहेत.
या फोटोसोबत कॅप्शनमध्ये लिहिले आहे की, दक्षिण ऑस्ट्रेलियन व्यक्तीने 11 मुलांना जन्म देऊन विश्वविक्रम केला आहे. या सोशल मीडिया पोस्टचा अर्थ असा आहे की, दक्षिण ऑस्ट्रेलियाचे रहिवासी ट्रॅव्हिस हेड यांनी भारताविरुद्धच्या विश्वचषक अंतिम सामन्यात शतक झळकावून आपल्या संघाला विश्वविजेते बनवले आणि रोहित शर्मासह त्याच्या संघाकडे त्याला रोखण्याचा कोणताही मार्ग नव्हता.
View this post on Instagram
पॅट कमिन्सनं देखील उडवाला मज्जाक…
हे दोन ऑस्ट्रेलियन खेळाडू दरवर्षी भारतात आयपीएल खेळतात आणि गेल्या अनेक वर्षांपासून ते भारतात किमान 2-3 महिने घालवतात. भारतीय क्रिकेट चाहतेही या खेळाडूंना सन्मान देतात तसेच सपोर्ट करतात. मात्र असं असून देखील विश्वचषकाच्या अंतिम सामन्यात भारताचा पराभव केल्यानंतर ऑस्ट्रेलियन खेळाडूंनी भारतीय क्रिकेटपटूंची खिल्ली उडवण्यास सुरुवात केली आहे.
Mitchell Marsh : विश्वचषक ट्रॉफी वादात अडकला मिशेल मार्श; अडचणीत वाढ होण्याची शक्यता…
दरम्यान, भारत आणि ऑस्ट्रेलिया यांच्यातील अंतिम सामन्यात (19 नोव्हेंबर) भारताने प्रथम फलंदाजी करताना 50 षटकांत 240 धावा केल्या आणि ऑस्ट्रेलियाने केवळ 4 विकेट्स गमावून सामना जिंकला. त्या सामन्यात शतकी खेळी खेळल्याबद्दल ट्रॅव्हिस हेडला सामनावीराचा पुरस्कार देण्यात आला होता.