नवी दिल्ली – कोलंबियात सुरू असलेल्या 20 वर्षांखालील युवा जागतिक मैदानी स्पर्धेत भारताच्या रूपल चौधरीने ऐतिहासिक कामगिरी केली. तिने 4 बाय 400 मीटर रिलेमध्ये रजत, तर महिलांच्या 400 मीटर शर्यतीत ब्रॉंझपदकाची कमाई केली.
एका शेतकरी कुटुंबात जन्मलेली रूपल आता या स्पर्धेत दोन पदके पटकावणारी भारताची पहिलीच महिला धावपटू ठरली आहे. मेरठमध्ये राहत असलेली अवघी 17 वर्षांची रूपल व तिचे कुटुंबीय शेतकरी आहेत. अत्यंत मोजक्या सुविधा व पाठिंबा तसेच बिकट आर्थिक परिस्थिती या सर्वांवर मात करत तिने हे यश प्राप्त केले.
400 मीटर शर्यतीत रूपलने 51.85 सेकंद वेळ देत तिसरा क्रमांक मिळवला. ग्रेट ब्रिटनच्या येमी मेरी जेन्सने 51.50 वेळेसह सुवर्ण, तर केनियाच्या दमारीस मुटुंगाने 51.71 वेळेसह रजतपदक मिळवले.
Rupal Chaudhary (51.85s Personal Best) delivers India a bronze at World Athletics U20 Championships in Women’s 400m. The only Indian to win 2 medals at the same U20Worlds after she helped 4*400m mixed relay team to a silver finish earlier
(Source: Athletics Federation of India) pic.twitter.com/YAcULnULZ0
— ANI (@ANI) August 5, 2022
भारताच्या 4 बाय 400 मीटर रीलेमध्ये रजतपदक विजेत्या खेळाडूंमध्ये रूपलही सहभागी होती. त्यात भारताने रजतपदकावर मोहोर उमटवली होती. पाठोपाठ रूपलने वैयक्तिक 400 मीटर शर्यतीतही ब्रॉंझपदकाची कमाई केली.