लोणी-धामणी, (प्रतिनिधी) – धामणी (ता.आंबेगाव) येथे श्री म्हाळसाकांत खंडोबा यात्रेनिमित्त कुस्त्यांचा जंगी आखाडा भरविण्यात आला. या आखाड्यात १०१ ते ३१०० रुपयांपर्यंत पैलवानांना बक्षिसे देण्यात आली. या आखाड्यात मावळ, मुळशी, खेड, जुन्नर, शिरूर, पारनेर, भोसरी, संगमनेर व श्रीगोंदा येथील नामवंत पैलवानांनी हजेरी लावली.
या कुस्त्यांच्या आखाड्यात सुनील जाधव, भरत तांबे, नितीन जाधव, संजीव गाढवे यांनी पंच म्हणून काम पाहिले. यावेळी सरपंच रेश्मा बोऱ्हाडे, ग्रामपंचायत सदस्य सुरेखा रोडे, प्रतिक जाधव, अशोक पगारीया, विलास पगारीया, माजी सरपंच सागर जाधव, पहाडदरा सरपंच मच्छिंद्र वाघ,वसंत जाधव,मनोज तांबे,ज्ञानेश्वर विधाटे, बापूसाहेब काचोळे, भगवान वाघ,वामन जाधव,किसन वाघ,
अविनाश बढेकर, अजित बोऱ्हाडे व मोठ्या संख्येने ग्रामस्थ उपस्थित होते. यावेळी महिला पैलवानांनी सुद्धा आखाड्यात आपली झलक दाखविली. सरपंच रेश्मा बोऱ्हाडे व सुरेखा रोडे यांच्या हस्ते पै.श्रेया होळकर व सिध्दी होळकर चा बहिणींची कुस्ती लावण्यात आली. ही महिला कुस्ती आखाड्याचे आकर्षण ठरली.