मॉस्को : रशियाची राजधानी मॉस्कोमध्ये काल रात्री आपत्कालीन लँडिंग करताना ‘सुखोई सुपरजेट-100’ या प्रवाशी विमानाला भीषण आग लागली आहे. या आगीमुळे विमानातील तब्बल 41 प्रवाशांचा जागीच मृत्यू झाला आहे. मृतांमध्ये लहान मुलांचादेखील समावेश आहे.
मॉस्कोवरुन या विमानाने रशियाच्या म्युरमॅनस्क शहरासाठी उड्डाण केले होते. उड्डाण केल्यानंतर विमानाच्या इंजिन मध्ये बिघाड झाल्यामुळे विमानाच्या मागच्या बाजूने अचानक पेट घेतला. त्यामुळे लगेचच हे विमान पुन्हा विमानतळाच्या दिशेने फिरवण्यात आले. दरम्यान विमानाने पेट घेतल्यानंतर जीव वाचवण्यासाठी प्रवाशांनी अक्षरश: पेटत्या विमानातून बाहेर उड्या मारल्या. मात्र, विमानाला आग नेमक्या कोणत्या कारणास्तव लागली हे अजून स्पष्ट आलेले नाही.
Vladimir Putin has expressed his condolences to the families of those killed in the tragedy at Sheremetyevo airport
— President of Russia (@KremlinRussia_E) May 5, 2019
स्थानिक माध्यमांनी दिलेल्या माहितीनुसार विमानात एकूण 78 प्रवाशांसह 5 क्रू मेंबर या विमानात प्रवास करत होते. ‘एअरोफ्लोट एअरलाइन्स’ कंपनीचे हे विमान होते.
Первые секунды после посадки горящего борта в Шереметьево. Люди, спасшиеся из самолёта, бегут по полосе pic.twitter.com/j3lcDnvtEF
— baza (@bazabazon) May 5, 2019