रोहतक : शुभम रोहिला आणि शिवम चौहान यांच्या २२१ धावांच्या भागिदारीच्या जोरावर हरियाणाने पहिल्या दिवसअखेर ८४ षटकात ३ बाद २७९ धावसंख्येपर्यत मजल मारली आहे. आजपासून रणजी करंडक स्पर्धेस सुरूवात झाली असून रोहतक येथे हरियाणा विरूध्द महाराष्ट्र #HARvMAH अशी लढत सुरू आहे.
Stumps Day 1: Haryana – 279/3 in 83.6 overs (H J Rana 20 off 39, S G Rohilla 117 off 233) #HARvMAH @paytm #RanjiTrophy
— BCCI Domestic (@BCCIdomestic) December 9, 2019
हरियाणाने नाणेफेक जिकंत प्रथम फलंदाजी स्विकारली. त्यानंतर त्याचे दोन फलंदाज झटपट बाद झाले. अंकितकुमार १४ तर चैतन्य बिश्नोई ०१ धाव काढून माघारी परतले, तेव्हा हरियाणाची २ बाद २४ अशी अवस्था झाली होती. त्यानंतर शुभम रोहिला आणि शिवम चौहान यांनी डाव सावरत तिस-या विकेटसाठी २२१ धावा जोडल्या. प्रदीप दाढेने शिवम चौहानला ११७ धावावर बाद करत ही जोडी फोडली.
WICKET! Over: 73.1 S R Chauhan 117(208) ct A B Dandekar b P C Dadhe, Haryana 245/3 #HARvMAH @paytm #RanjiTrophy
— BCCI Domestic (@BCCIdomestic) December 9, 2019
महाराष्ट्राकडून प्रदीप दाढे, समद फल्ला आणि अनुपम संकलेचा यांनी प्रत्येकी १ गडी बाद केला. पहिल्या दिवसाचा खेळ थांबला तेव्हा शुभम रोहिला नाबाद ११७ आणि हिमांशू राणा नाबाद २० धावांवर खेळत होते.