पुणे – कोंढवा (बु.) भागातील एकमेव श्री स्वामी समर्थ मठ येथे श्री स्वामी समर्थ प्रकटदिन सोहळा उत्साहात साजरा करण्यात आला. यानिमित्त सकाळी श्रींना अभिषेक, सायंकाळी ह.भ.प. सोमनाथदादा साठे महाराज, ह.भ.प. सुनील महाराज कामठे पाटील, ह.भ.प. तानाजी महाराज कामठे पाटील, समस्त कोंढवा बु. भजनी मंडळ, वारकरी विद्यार्थी यांचा भव्य रिंगण सोहळा तसेच सहाय्यक पोलीस आयुक्त विक्रांत देशमुख, पोलीस निरीक्षक संतोष सोनावणे, पोलीस निरीक्षक गुन्हे संजय मोगले, माजी आमदार महादेव बाबर, माजी जिल्हा परिषद अध्यक्ष जालिंदर कामठे यांच्या हस्ते महाआरती त्यानंतर महाप्रसादाचे आयोजन करण्यात आले होते.
यावेळी श्री स्वामींच्या चरणी केळींची आकर्षक आरास करण्यात आली होती. रिंगण सोहळा, कीर्तन आणि महाप्रसादाचा लाभ घेण्यासाठी स्थानिक नागरिक विशेषतः महिला भगिनी मोठ्या संख्येने उपस्थित होत्या.
DigiLocker : ड्राइव्हिंग लायसन्स ऑनलाईन कसं डाऊनलोड कराल; जाणून घ्या….फक्त 3 Steps मध्ये…
वस्ताद साहेबराव शंकरराव धांडेकर, ज्ञानोबा नामदेव कामठे, अॅड. मधुकर शंकरराव धांडेकर, नवनाथ साहेबराव धांडेकर, मच्छिंद्र दशरथ धांडेकर, शुभम गोरख धांडेकर, पै. बाळासाहेब उर्फ निलेश साहेबराव धांडेकर आणि त्यांच्या पत्नी पूनम धांडेकर यांनी या भव्य सोहळ्याचे आयोजन केले होते.