वाहन चालवताना तुमच्याकडे ड्राइव्हिंग लायसन्स असणे गरजेचे आहे. प्रत्येक वाहन चालकाला वाहन चालविण्याचा परवाना आवश्यक आहे. ड्रायव्हिंग लायसन्स केवळ पोलिसांपासून तुमचे संरक्षण करत नाही तर ती तुमची खास वैयक्तिक ओळख देखील आहे.

लायसन्सची हार्ड कॉपी नेहमी जवळ बाळगण्याऐवजी तुम्ही सॉफ्ट कॉपी फोनमध्ये डाउनलोड करून ठेवू शकता. यासाठी DigiLocker सारख्या अ‍ॅप्सची तुम्ही मदत घेऊ शकता.

महत्वाचे : 2018 मध्ये सरकारने एक सुचना जारी केली होती की, गरज पडल्यास DigiLocker अ‍ॅपच्या माध्यमातून ड्रायव्हिंग लायसन्स दाखवू शकता.

1. सर्वात महत्त्वाचे म्हणजे तुमचे अकाउंट DigiLocker वर असणे गरजेचे आहे. 

तुम्हाला DigiLocker वरून ड्राइव्हिंग लायसन्स डाउनलोड करण्यासाठी, सर्वप्रथम तुम्हाला Play Store किंवा App Store वरून DigiLocker अॅप डाउनलोड करावे लागेल.

2. अॅप डाऊनलोड झाल्यानंतर आता अॅप उघडा आणि आधार कार्डच्या मदतीने तुमचे खाते सक्रिय करा.

तुम्ही DigiLocker वर फोन नंबर आणि आधार कार्डने साइनअप करू शखता. यासाठी DigiLocker च्या अ‍ॅप अथवा साइटवर जाऊन यूजरनेम आणि सहा आकडी पिनने साइनअप करा. यानंतर तुमच्या रजिस्टर्ड फोनवर वन टाइम पासवर्ड मिळेल.

 

 

3. आता तुम्हाला डॉक्युमेंटमधून ट्रान्सपोर्ट पॅनल शोधावे लागेल आणि येथून ड्रायव्हिंग लायसन्स हा पर्याय सिलेक्ट करावा लागेल.

आता तुम्हाला सर्च बारमध्ये ड्राइव्हिंग लायसन्स दिसेल. यानंतर तुम्हाला तुमचे राज्य निवडावे लागेल. त्यानंतर लायसन्स नंबर टाकून Get Document वर क्लिक करा. यानंतर ड्रायव्हिंग लायसन्स डिजीलॉकरमध्ये डाउनलोड होईल.

DigiLocker मध्ये Issued Documents लिस्टवर जाऊन तुम्ही ड्रायव्हिंग लायसन्स पाहू शकता. याची सॉफ्ट कॉपी देखील पीडीएफ बटनवर क्लिक करून डाउनलोड करू शकता.

IMP : 2018 मध्ये सरकारने एक सुचना जारी केली होती की, गरज पडल्यास DigiLocker अ‍ॅपच्या माध्यमातून ड्रायव्हिंग लायसन्स दाखवू शकता.