मुंबई – भारतीय हवामान विभागाने पुढील तीन दिवसांसाठीचा पावसाचा अंदाज वर्तवला आहे. त्यानुसार पुणे, सातारा आणि रत्नागिरीला हवामान विभागाने आज रेड अॅलर्ट दिला आहे. तर ऊद्या (18 जून) पुणे, सातारा, कोल्हापूर, रत्नागिरी आणि सिंधुदुर्गला ऑरेंज अॅलर्ट देण्यात आला आहे. तसेच पुढील काही तास मुंबई, नवी मुंबई, सातारा आणि पुण्यामध्ये मुसळधार पावसाचा अंदाज वर्तवला आहे.
भारतीय हवामान विभागाचे ज्येष्ठ हवामानतज्ज्ञ के.एस. होसाळीकर यांनी दिलेल्या माहितीनुसार, आज (17 जून) सातारा, पुणे आणि रत्नागिरीला रेड अॅलर्ट देण्यात आला आहे. तर, कोल्हापूर, सिंधुदुर्ग, रायगड आणि पालघरला ऑरेंज अॅलर्ट देण्यात आला आहे. औरंगाबाद, नागपूर, अमरावती, अकोला, बुलडाणा, वाशिम, जालना, बीड, उस्मानाबाद आणि लातूरला पावसाचा इशारा देण्यात आला आहे.
Heavy rainfall warnings issued by IMD for coming days for Maharashtra on 17 Jun
Pune Satara Ratnagiri Sindudurg, Klp, for coming 48 hrs very severe weather possibly.
Mumbai Thane isol heavy for next 3 days pic.twitter.com/lI1xVPp3CI— K S Hosalikar (@Hosalikar_KS) June 17, 2021
18 जूनला पुणे, सातारा, कोल्हापूर, सिंधुदुर्ग, रत्नागिरीला ऑरेंज अॅलर्ट देण्यात आला आहे. तसेच पुढील तीन दिवसांमध्ये मुंबई आणि ठाण्यामध्ये विविध ठिकाणी पावसाचा इशारा देण्यात आला आहे. तर 19 आणि 20 जूनला महाराष्ट्रातील कोणत्याही जिल्ह्यात रेड किंवा ऑरेंज अॅलर्ट देण्यात आलेला नाही. मात्र, कोकण आणि पश्चिम महाराष्ट्रातील पुणे आणि सातारा आणि पूर्व विदर्भातील जिल्ह्यांमध्ये पावसाचा इशारा देण्यात आला आहे.