बेळगाव – शिवसेना जिल्हाध्यक्ष प्रकाश शिरोळकर यांच्यावर बेळगावात हल्ला झाला आहे. त्यांच्या गाडीवरही हल्ला करत शिवसेना नाव असलेली प्लेट तोडली आहे. कन्नड रक्षण वेदिका संघटनेच्या कार्यकर्त्यांनी हा हल्ला केल्याची प्राथमिक माहिती आहे.
दरम्यान शिवसेना मध्यवर्ती कार्यालयावरही हल्ल्याचा प्रयत्न केला असून ही घटना बेळगाव पोलिसांच्या उपस्थितीत घडली. या घटनेमुळे बेळगावातील शिवसेना मध्यवर्ती कार्यालय परिसरात मोठा तणाव निर्माण झाला. घटनेनंतर महाराष्ट्र एकीकरण समितीचे कार्यकर्ते मोठ्या संख्येने जमायला सुरूवात झालीय.