सकारात्मक प्रचार करा : नितीन गडकरी

File photo

नवी दिल्ली – भाजप खासदारांनी निवडणुकीच्या तोंडावर विकासकामांना उशीर झाल्याचे रडगाणे गाऊ नये, असे केंद्रीय मंत्री नितीन गडकरी यांनी सांगितले. ते म्हणाले की, सरकारने गेल्या साडेचार वर्षात देशात मोठ्या प्रमाणात विकासकामे केली आहेत. त्याकडे कार्यकर्त्यानी जनतेचे लक्ष वेधण्याचा प्रयत्न करावा. दिल्लीच्या महाराष्ट्र सदनात झालेल्या भाजप खासदारांच्या बैठकीत गडकरी बोलत होते.

मतदारसंघात कामे झाली नसल्याचे रडगाणे बंद करा. त्याऐवजी जनतेसमोर सरकारच्या कामाबाबत सकारात्मक बोला. विरोधी पक्षात असतानाही कामे झाली नसल्याची रडगाणी असायची, आताही तुम्ही तेच करत आहात. मात्र, आपण विरोधी पक्षात नाही तर सत्तेत आहोत, याचे भान ठेवा, अशी तंबीही नितीन गडकरी यांनी बैठकीत दिली.

तर दुसरीकडे भाजपचे अध्यक्ष अमित शहा यांनीही भाजपच्या खासदारांना युतीच्या समीकरणाचा विचार न करता कामाला लागण्याचे आदेश दिले. सर्व खासदारांनी आपापल्या मतदारसंघातील कार्यकर्त्यांच्या 25 जानेवारी पूर्वी बैठका घेऊन समस्या जाणून घ्याव्यात. तसेच 2019 ची लोकसभा निवडणूक पंतप्रधान नरेंद्र मोदी यांच्या नेतृत्वाखालीच होईल, असेही अमित शहा यांनी सांगितले.


‘प्रभात’चे फेसबुक पेज लाईक करा

What is your reaction?
0 :thumbsup:
0 :heart:
0 :joy:
0 :heart_eyes:
0 :blush:
0 :cry:
0 :rage:

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)