कॅनॉलमध्ये कार कोसळून अपघात

संगमनेर – तालुक्‍यातील कासारे शिवारातील जांभूळवाडीमार्गे जात असलेल्या संगमनेर-शिर्डी व लोणी-तळेगाव दिघे रस्त्याजवळ असलेल्या जांभूळवाडी फाट्यादरम्यानच्या निळवंडे कॅनॉलमध्ये कार कोसळून पलटी होत अपघातग्रस्त झाली. गुरुवारी मध्यरात्री ही घटना घडली.

संगमनेर ते शिर्डी रस्त्याने जांभूळवाडीमार्गे शिर्डीकडे प्रवास करीत असताना, कासारे शिवारातील जांभूळवाडी फाट्यावरील खोल निळवंडे कॅनॉलमध्ये कोसळून कार पलटी होत अपघात झाला. या अपघातात कारचे मोठे नुकसान झाले. कॅनॉलचा अंदाज न आल्याने हा अपघात झाला. अपघाताच्या घटनेनंतर त्याठिकाणाहून चालक निघून गेला. या कारमध्ये नेमके कोण होते? कुणी जखमी झाले का? याची माहिती मिळू शकली नाही.

-Ads-

अपघातग्रस्त ममता लांडगे यांच्या मालकीची असल्याचे समजले. गुरुवारी सायंकाळपर्यंत संगमनेर तालुका पोलीस ठाण्यातदेखील या घटनेची माहिती देण्यात आलेली नव्हती. जांभूळवाडी फाटा याठिकाणी वारंवार होणारे अपघात लक्षात घेता, उपाययोजना करण्याची मागणी ग्रामस्थांनी केली आहे.


‘प्रभात’चे फेसबुक पेज लाईक करा

What is your reaction?
0 :thumbsup: Thumbs up
0 :heart: Love
0 :joy: Joy
0 :heart_eyes: Awesome
0 :blush: Great
0 :cry: Sad
0 :rage: Angry

LEAVE A REPLY

Please enter your comment!
Please enter your name here

Enable Google Transliteration.(To type in English, press Ctrl+g)