अभिनेत्री अमृता खानविलकर चित्रपटसृष्टीतील एक प्रसिद्ध नाव आहे. ती सोशल मीडियावर खूपच ऍक्टिव्ह असते. “चोरीचा मामला’ फेम अमृता सध्या तिच्या फिटनेसबाबत लाइमलाइटमध्ये आहे. अमृताच्या इन्स्टाग्रामवर फॅशन आणि डिझायनर साड्यांव्यतिरिक्त जिम आणि व्यायामाचेही बरेच फोटो आणि व्हिडिओ पाहायला मिळतील.
यावरून सहज लक्षात येते की, ती तिच्या फिटनेसबद्दलही खूप गंभीर आहे. तिच्या वेगवेगळ्या आणि अनोख्या योगा पोझेसचे फोटो बऱ्याचदा सोशल मीडियावर व्हायरल होतात. असेच तिचे काही फोटो मोठ्या प्रमाणात व्हायरल होत आहेत.
आज 21 जून, म्हणजेच योगदिनानिमित्त अमृताने दोन फोटो शेअर केले आहेत. ज्यांनी चाहत्यांना थक्क करून सोडले आहे. यात अमृता योगा करताना दिसत आहे. विशेष गोष्ट म्हणजे, तिची पोझ. यात अभिनेत्रीने अतिशय आगळीवेगळी अशी पोझ दिली आहे.
त्यामुळेच हा फोटो वेगाने व्हायरल होत आहे. या फोटोंवर नेटकऱ्यांसोबत कलाकारही प्रतिक्रिया देत तिचे कौतुक करत आहेत. यावर स्वप्नील जोशीने कमेंट करत लिहिले की, हाताची घडी तोंडावर बोटचं नेटफ्लिक्स व्हर्जन. अशा बऱ्याच मजेदार कमेंटही या फोटोंवर पाहायला मिळत आहेत.
वर्कफ्रंटबाबत सांगायचे झाल्यास अमृता लवकरच सचिन कुंडलकरच्या “पॉंडिचेरी’ या आगामी चित्रपटात झळकणार आहे. तिच्यासोबत वैभव तत्ववादी, महेश मांजरेकर आणि सई ताम्हणकरदेखील मुख्य भूमिकेत दिसणार आहेत.