UPI Transaction। आज सर्वांना युनिफाइड पेमेंट्स इंटरफेस म्हणजेच UPI बद्दल माहिती आहे. याच्या मार्फत आपण सर्वजण लहान ते मोठे व्यवहार क्षणार्धात करू शकतो. यामुळेच गेल्या काही वर्षांत UPI वापरणाऱ्यांची संख्या झपाट्याने वाढतीय. भारताशिवाय जगातील इतर अनेक देशांमध्येही ही डिजिटल पेमेंट प्रणाली स्वीकारली जातीय. मात्र, गेल्या काही दिवसांपासून UPI संदर्भात एक वेगळीच चर्चा सुरू आहे,ती म्हणजे upi transaction वर पैसे आकारण्याची.
आता UPI व्यवहारांवर वापरकर्त्यांकडून शुल्क वसूल केले जाऊ शकते अशा चर्चाना उधाण आलंय. याबाबत एक सर्व्हेही करण्यात आला होता, त्यात लोकांची भीती स्पष्टपणे दिसून येत होती.
लोकांना UPI शुल्काची भीती वाटते UPI Transaction।
वास्तविक, काही दिवसांपूर्वी एक बातमी समोर आली होती की RBI UPI पेमेंटवर शुल्क लावण्याच्या तयारीत आहे, ज्यानंतर यावर बरीच चर्चा झाली होती. नंतर अर्थ मंत्रालयाकडून स्पष्ट करण्यात आले की असा कोणताही प्रस्ताव आलेला नाही. मात्र, असे असूनही लोकांच्या मनात अनेक प्रश्न होते. याबाबत लोकलसर्कलने एक ऑनलाइन सर्वेक्षण केले, ज्यामध्ये सुमारे 73 टक्के लोकांनी भाग घेतला, असे सांगितले की जर शुल्क आकारले गेले तर ते UPI वापरणे बंद करतील.
व्यवहारांवर शुल्क कसे आकारले जाते? UPI Transaction।
आता जर तुम्हालाही असे वाटत असले कि upi transaction वर पैसे आकारले जात असतील तर थांबा अगोदर हे वाचा. सध्या UPI द्वारे पेमेंटवर कोणत्याही प्रकारचे शुल्क आकारले जात नाही. तथापि, अनेक UPI ॲप्स आता रिचार्जवर प्लॅटफॉर्म शुल्क आकारत आहेत. मोबाईल रिचार्जवर ॲप्स लोकांकडून एक रुपयापासून ते पाच रुपयांपर्यंत शुल्क आकारत आहेत. अनेक महिन्यांपासून हे शुल्क वसूल केले जात असले तरी सोशल मीडियावर अनेकांनी याबाबत तक्रारी केल्या आहेत. याशिवाय, काही वापरकर्ते असा दावा करतात की त्यांच्याकडून व्यवहारासाठी शुल्क आकारले गेले होते.