उत्तर कोरिया हा अनेक रहस्यांनी भरलेला देश आहे. याचे एक कारण म्हणजे लोकांना या ठिकाणाची फारशी माहिती नाही. त्यामुळे जग उत्तर कोरियाला फक्त एक रहस्यमय देश म्हणून ओळखते. हा देश जितका रंजक आहे तितकेच आश्चर्यकारक येथील एक शहरदेखील आहे. हे अगदी सामान्य शहरासारखे असले तरी वास्तविक ते खोटे शहर आहे. इथे शाळा, दवाखाना, अगदी वीज आणि पाणी आहे पण इथे कोणी राहत नाही. दिवे दररोज ठराविक वेळेत चालू आणि बंद होतात. विशेष म्हणजे संपूर्ण शहरात दररोज एकच व्यक्ती झाडू मारताना दिसतो.
असे म्हटले जाते की किम जोंग-उनचे शासन असलेला देश अत्यंत गरीब आहे. पण बाकीच्या जगाला श्रीमंत दाखवण्यासाठी हुकूमशहाने ही मॉडेल सिटी वसवली आहे, जे पाहून कोणाचाही गोंधळ उडतो की उत्तर कोरिया आधुनिक आहे आणि इथले लोक सुखी आहेत.
उत्तर आणि दक्षिण कोरियाच्या सीमेवर वसलेल्या या शहरात कोणीही राहत नाही. त्यामुळे देशातील लोक याला घोस्‍ट टाउनच्‍या नावाने संबोधतात, परंतु प्रत्यक्षात याचे नाव ‘किजोंग-डोंग’ आहे. हे एक प्रकारचे प्रचाराचे शहर (प्रपोगंडा टाऊन) आहे, ज्याचा उद्देश कोरियातून पळून गेलेल्या सुमारे 50 हजार लोकांचे विधान चुकीचे सिद्ध करणे आहे.
तज्ज्ञांचे म्हणणे आहे की, किमच्या हुकूमशाहीमुळे त्रासून अनेक लोक देशाबाहेर इतर देशांमध्ये गेले आणि तेथे जाण्याऐवजी त्यांनी या शहराबद्दल सर्वांना सांगितले. ज्यानंतर या शहराची सॅटेलाइट इमेज दिसली आणि शहराच्या रहस्यांचे पदर उघडू लागले.
उत्तर कोरिया आणि शेजारील देश दक्षिण कोरियाच्या निशस्त्रीकरण क्षेत्राला लागून असलेल्या किजोंग डांग शहरात दोन्ही देशांचे सैनिक मोठ्या संख्येने तैनात आहेत. या शहरात उंच इमारती आहेत. एक प्ले स्कूल आणि दोन माध्यमिक शाळा आहेत. तसेच दवाखाने आणि दुकाने आहेत.
या शहरात 200 लोक राहतात आणि व्यवस्थेवर खूप खूश आहेत, असे उत्तर कोरियाचे सरकार नेहमीच सांगत असते, पण प्रत्यक्षात ही डेमो सिटी आहे. सॅटेलाइट इमेज समोर आल्यानंतर संपूर्ण शहरात निळ्या रंगाचे छत असल्याचे सांगण्यात आले. इथे घराच्या आत जाण्यासाठी दरवाजा नाही. घराच्या आत कोणतीही रचना नाही. घरांनाही खिडक्या नाहीत.
या शहरात कधीही कपडे सुकताना किंवा पडदे हलताना दिसले नाहीत. दिवसा दिवे बंद असतात आणि रात्री दिवे चालू राहावेत याची काळजी घेतली जाते. सर्व दिवे एकाच वेळी चालू आणि बंद होतात. या शहरात एकच माणूस दिसतो जो इथले रस्ते स्वच्छ करतो.
एका अहवालानुसार, शहराभोवती लाऊडस्पीकर लावण्यात आले आहेत, ज्याचा चेहरा दक्षिण कोरियाच्या दिशेने आहे. हे स्पीकर्स दररोज 20 तास वाजतात. ज्यामध्ये उत्तर कोरियातील लोकांचे शांत जीवन आणि हुकूमशहाचा चांगुलपणा सांगण्यात येत असते.
