टेलिग्राम हे सध्या सर्वात वेगाने वाढणारे मेसेजिंग ऍप आहे. सध्या, टेलिग्रामचे जगभरात 500 दशलक्षाहून अधिक सक्रिय वापरकर्ते आहेत. यापैकी 300 दशलक्ष वापरकर्ते गेल्या तीन वर्षात टेलीग्राममध्ये सामील झाले आहेत. वाढत्या लोकप्रियतेच्या पार्श्वभूमीवर टेलिग्राम वापरकर्त्यांना अधिकाधिक फीचर्स देण्याचा प्रयत्न करतो, जेणेकरून विद्यमान वापरकर्ते टेलिग्रामवर राहतील, तसेच नवीन वापरकर्ते देखील जोडले जातील.
नुकतेच टेलीग्रामने त्याच्या वापरकर्त्यांसाठी व्हिडीओ कॉलचा एक नवा अफलातून फिचर दिला आहे, ज्याद्वारे तुम्ही तब्बल एक हजार लोकांशी एकाचवेळी जोडले जाऊ शकता !
टेलिग्रामवर सिंगल व्हिडिओ कॉल तसेच ग्रुप व्हिडिओ कॉल करता येतात. यापूर्वी टेलीग्रामवर ग्रुप व्हिडिओ कॉलची मर्यादा फक्त 30 लोकांची होती. म्हणजेच एका वेळी फक्त 30 लोक व्हिडिओ कॉलमध्ये सामील होऊ शकत होते. परंतु टेलिग्रामच्या नव्या अपडेटने वापरकर्त्यांना एक नवीन आणि उपयुक्त फिचर प्रदान केले आहे.
या नवीन फीचरच्या मदतीने आता टेलिग्रामची व्हिडिओ कॉल मर्यादा 30 लोकांकडून 1000 लोकांपर्यंत वाढली आहे. म्हणजेच आता तब्बल 1000 लोक टेलीग्रामच्या व्हिडिओ कॉलचा भाग बनू शकतील.
टेलिग्रामचे हे नवीन फिचर काय आहे ?
टेलिग्रामच्या या नव्या टेलिग्राम ग्रुप व्हिडिओ कॉल 2.0. या फिचरद्वारे, 1000 लोक आता कोणत्याही गटात व्हिडिओ कॉलमध्ये सामील होऊ शकतील. यामध्ये, 30 वापरकर्ते त्यांच्या कॅमेऱ्यातून व्हिडिओ प्रसारित आणि स्क्रीन शेअर करू शकतील आणि इतर सर्व वापरकर्ते त्या व्हिडिओ कॉलचा एक भाग बनून प्रसारण पाहू शकतील.
नवीन व्हिडिओ कॉल फिचरचे फायदे
-
कोरोना महामारीमुळे जगभरातील शिक्षण व्यवस्था प्रभावित झाली आहे. शाळा बंद झाल्या आणि ऑनलाईन क्लासेसचा ट्रेंड सुरू झाला. अशा परिस्थितीत, या नवीन वैशिष्ट्याच्या मदतीने, 1000 पर्यंत विद्यार्थी ऑनलाइन वर्गांचा भाग बनू शकतात. शिक्षकांना 30-30 विद्यार्थ्यांचा स्वतंत्र गट तयार करून वर्ग घेण्याची गरज भासणार नाही, जेणेकरून अभ्यास कमी वेळेत व्यवस्थित करता येईल.
-
टेलीग्रामच्या या नवीन फिचरद्वारे, घरून काम करणारे लोक ऑनलाईन मीटिंगद्वारे एका वेळी 1000 लोकांबरोबर कामाशी संबंधित माहिती मिळवू शकतील.
-
या नवीन फिचरद्वारे, कंपनी एका वेळी त्याच्या 1000 उत्पादनांना त्याच्या कोणत्याही नवीन उत्पादनांची माहिती प्रसारित करण्यास सक्षम असेल. यामुळे विपणन प्रक्रिया सुलभ होईल आणि अधिक लोकांना कमी वेळेत उत्पादनाविषयी आवश्यक माहिती मिळेल.