नवी दिल्ली/बेर्ने : स्विस बॅंकेत निधी ठेऊन करसवलत मिळवणाऱ्या अनेक विश्वस्त संस्था भारतीय आणि स्वित्झर्लंड प्रसासनाच्या रडारवर आल्या आहेत. भारतातील कर चुकवण्यासाठी परदेशात गेलेल्या अनेक व्यक्तींचीही चौकशी केली जाणार आहे. स्वीस प्रशासनाने त्यांच्या बॅंक व्यवहाराचे तपशील भारतातकडे सुपुर्त केले.
सुमारे महिन्यापुर्वी स्वित्झर्लंड सरकारच्या गॅझेटमध्ये एक नोटीस प्रकाशित केली आहे. त्यात या व्यक्ती (काही उद्योगपतींसह) आणि विश्वस्त संस्था यांचा समावेश आहे. कंपन्यांना आपले नॉमिनी नेमण्याचे आदेश देण्यात आले आहेत. यातील कोणाला भारताला माहिती देण्यास आक्षेप असतील तर कळवण्याची नोटीस बजावण्यात आली आहे.
केमॅन बेट, पनामा, आणि ब्रिटीश विर्जीन बेटांवर ज्यांनी आपला कार्यभार उभारला आहे आणि कर चुकवण्यासाठी त्याचा वापर करतात, त्यांच्यावर विशेष लक्ष ठेवण्यात येणार आहे. या यादीत नाव असणाऱ्यांमध्ये अतुल पुंज, गौतम खेतान, सतिश कार्ला, विनोद कुमार खन्ना, दुल्लभभाई कन्वरर्जी वाघेले, रेवाबेन दुल्लभभाई कन्वरर्जी वाघेले यांचा समावेश आहे.
काही प्रकरणात व्यक्तींचा मृत्यू झाल आहे. त्यांच्या वारसांना या नोटीशीला उत्तर देण्यास सांगण्यात आले आहे. केमॅन बेटांवरील पी देवी चिल्ड्रेन ट्रस्ट, पी देवी ट्रस्ट, दिनोद ट्रस्ट, अगरवाल फॅमिली
ट्रस्ट यांचाही नोटीस बजावलेल्यांमध्ये समावेश आहे. केमॅनस्थित देवी लिमिटेड आणि आध एिन्टरप्राईजेस यांचाही समावेश आहे.