Stock Market Opening । आठवड्याच्या पहिल्याच दिवशी गुंतवणूकदारांची मोठी निराशा झाल्याचे दिसून आले. बीएसई सेन्सेक्स आज ९७.९८ अंकांच्या घसरणीसह ७३,०४४ वर उघडला. NSE चा निफ्टी 43.50 अंकांच्या किंवा 0.20 अंकांच्या घसरणीसह 22,169 च्या पातळीवर उघडला.
आज, बँक निफ्टीची सुरुवात घसरणीने झाली आहे. मेटल, आयटी, रिअल्टी समभागांची मंदी देखील बाजाराला वाढण्यास अडथळा आणत आहे.
सेन्सेक्स शेअर्सची स्थिती Stock Market Opening ।
BSE सेन्सेक्समधील 30 समभागांपैकी 12 शेअर्स वाढीसह व्यवहार करत आहेत. तर 18 शेअर्समध्ये घसरण होतीय. सेन्सेक्सचा टॉप गेनर L&T 1.64 टक्के आणि पॉवर ग्रिड 1.22 टक्क्यांनी वर आहे. यासह टाटा मोटर्स, एसबीआय, एम अँड एम आणि बजाज फिनसर्व्हच्या समभागांना सर्वाधिक फायदा झाला.
निफ्टी शेअर्सचे चित्र
निफ्टी शेअर्सबद्दल बोलायचे झाले. 50 पैकी 21 शेअर्स वधारत आहेत. 29 शेअर्स घसरणीच्या रेड झोनमध्ये व्यवहार करतायेत. येथेही L&T अव्वल आणि पॉवर ग्रिड दुसऱ्या स्थानावर आहे. बजाज ऑटो, टाटा मोटर्स आणि डॉ. रेड्डीज लॅब्सच्या शेअर्समध्ये सर्वाधिक मजबूती पाहायला मिळतीय.
बाजाराची स्थिती क्षेत्रानुसार कशी आहे?
NSE चे सर्व क्षेत्रीय निर्देशांक घसरणीसह लाल रंगात व्यवहार करत आहेत. सर्वात मोठी घसरण आयटी, रियल्टी आणि तेल आणि वायू क्षेत्रात झाली आहे. बँक निफ्टी उघडल्यानंतर किरकोळ वर आला होता परंतु बाजाराच्या संथ हालचालीमुळे तो पुन्हा खाली आला.
NSE च्या वाढत्या आणि घसरलेल्या समभागांचा डेटा Stock Market Opening ।
NSE वर एकूण 2370 समभागांची खरेदी-विक्री होतीय. त्यापैकी 1064 समभाग वाढीसह तर 1203 समभाग घसरणीसह व्यवहार करत आहेत. 103 शेअर्समध्ये कोणताही बदल झालेला नाही. NSE वर, 90 स्टॉक्समध्ये अप्पर सर्किट आणि 53 स्टॉकमध्ये लोअर सर्किट आहे. 147 शेअर्स 52 आठवड्यांच्या उच्चांकावर आहेत आणि 10 शेअर्स एका वर्षाच्या नीचांकी पातळीवर व्यवहार करतायेत.
प्री-ओपनिंगमध्ये बाजाराची हालचाल कशी होती
शेअर बाजाराच्या सुरुवातीच्या आधी बीएसई सेन्सेक्स 133.50 अंकांनी किंवा 0.18 टक्क्यांनी घसरून 73009 च्या पातळीवर व्यवहार करत आहे. NSE चा सेन्सेक्स 47.90 अंकांच्या किंवा 0.22 टक्क्यांच्या घसरणीसह 22164 च्या पातळीवर व्यवहार करतायेत.